ಮೈಸೂರು: ನರಸೀಪುರ ಮುಖ್ಯ ರಸ್ತೆಯಲ್ಲಿ ಭೀಕರ ಅಪಘಾತವಾಗಿದ್ದು ಸ್ಥಳದಲ್ಲೇ 8 ಮಂದಿ ಸಾವನ್ನಪ್ಪಿರುವ ಘಟನೆ ಇಂದು ಮದ್ಯಾಹ್ನ ಸಂಭವಿಸಿದೆ.
ಖಾಸಗಿ ಬಸ್ ಮತ್ತು ಕಾರ್ ನಡುವೆ ಮುಖ ಮುಖಿ ಡಿಕ್ಕಿಯಾದ ಪರಿಣಾಮ ಭೀಕರ ಅಪಘಾತ ಸಂಭಾವಿಸಿದೆ.
ಕಾರ್ ನಲ್ಲಿದ್ದ 8ಜನ ಸ್ಥಳದಲ್ಲೇ ದುರ್ಮರಣ,ಮೂವರಿಗೆ ಗಂಭೀರ ಗಾಯವಾಗಿದೆ.ಕಾರ್ ನಲ್ಲಿದ್ದ 7ಜನ ಸೇರಿದಂತೆ 1ಮಗು ಸಾವನ್ನಪ್ಪಿದ್ದು, ಮೈಸೂರು – ಕೊಳ್ಳೇಗಾಲ ಮುಖ್ಯರಸ್ತೆಯ ಟಿ. ನರಸೀಪುರದ ಸಮೀಪ ಕುರುಬೂರು ಗ್ರಾಮದ ಬಳಿ ಘಟನೆ ಜರುಗಿದೆ.ಸ್ಥಳಕ್ಕೆ ಟಿ.ನರಸೀಪುರ ಪೋಲೀಸರು ಭೇಟಿ ಪರಿಶೀಲನೆ ನಡೆಸಿದ್ದಾರೆ.
ಸದ್ಯ ಇದೀಗ ಕಾರ್ ನಲ್ಲಿದ್ದವರ ಬಗ್ಗೆ ಪೊಲೀಸರು ಮಾಹಿತಿ ಕಲೆ ಹಾಕುತ್ತಿದ್ದಾರೆ. ಕಾರ್ ನಲ್ಲಿದ್ದ ಮಂದಿಯು ಪ್ರವಾಸಕ್ಕೆ ಬಂದಿದ್ದವರೆಂದು ತಿಳಿದು ಬಂದಿದ್ದು ಕುಟುಂಬಸ್ಥರ ನಿಖರ ಮಾಹಿತಿ ಇನ್ನೂ ಲಭ್ಯವಾಗಿಲ್ಲ. ಸಧ್ಯ ಟಿ ನರಸೀಪುರ ಪೋಲೀಸ್ ಠಾಣೆಯ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ತನಿಖೆ ನಡೆಸುತ್ತಿದ್ದಾರೆ. ಇನ್ನೂ ಅಪಘಾತದಲ್ಲಿ ಗಾಯಗೊಂಡವರನ್ನು ಆಸ್ಪತ್ರೆಗೆ ರವಾನಿಸಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ.