ಚುನಾವಣಾಧಿಕಾರಿ ಕಾರ್ಯಾಲಯದ ಫಲಕದಲ್ಲಿಯೇ ತಪ್ಪು ಮಾಹಿತಿ

ಸುದ್ದಿಮೂಲ ವಾರ್ತೆ

ಸಿರುಗುಪ್ಪ: ಏ-04: ಸಿರುಗುಪ್ಪ 92 ಮತಕ್ಷೇತ್ರವು ಪರಿಶಿಷ್ಟ ಪಂಗಡಕ್ಕೆ ಮೀಸಲು ಮತಕ್ಷೇತ್ರವಾಗಿದ್ದು 2023ರ ಸಾರ್ವತ್ರಿಕ ಚುನಾವಣೆ ಹಿನ್ನೆಲೆಯಲ್ಲಿ ಈಗಾಗಲೇ ಎಲ್ಲ ಸಿದ್ಧತೆಗಳನ್ನು ಮಾಡಲಾಗುತ್ತಿದೆ.

ಈ ವಿಧಾನಸಭಾ ಕ್ಷೇತ್ರಕ್ಕೆ ಚುನಾವಣಾ ಆಯೋಗವು ಕೆ. ಹೆಚ್. ಸತೀಶ್ ಇವರನ್ನು ಚುನಾವಣಾಧಿಕಾರಿಯಾಗಿ ನೇಮಿಸಿದೆ. ಈ ಚುನಾವಣಾಧಿಕಾರಿಗಳಿಗೆ ನಗರದ ತಾಲೂಕು ಆಡಳಿತ ಕಚೇರಿಯಲ್ಲಿಯೇ ಕೊಠಡಿ ನಿಗದಿಯಾಗಿದ್ದು ಈ ಕೊಠಡಿಯನ್ನು ಚುನಾವಣಾ ಅಧಿಕಾರಿಗಳ ಕಾರ್ಯಾಲಯವನ್ನಾಗಿ ಮಾಡಲಾಗಿದೆ.

ಸಾರ್ವಜನಿಕರ ಮಾಹಿತಿಗಾಗಿ ಫ್ಲೆಕ್ಸ್ ಬ್ಯಾನರ್ ನಲ್ಲಿ ಕಾರ್ಯಾಲಯ ಫಲಕ ಮುದ್ರಿಸಿ ಹಾಕಲಾಗಿದೆ ಆದರೆ ಇದರಲ್ಲಿ ಲೋಕಸಭಾ ಚುನಾವಣೆಗಳು೨೦೧೯ ಎಂದು ಮುದ್ರಿತವಾಗಿದ್ದು ಕಾರ್ಯಾಲಯಕ್ಕೆ ಆಗಮಿಸಿದ್ದ ಕೆಲವರು ಅದನ್ನೇ ಬೆರಳಿಟ್ಟು ತೋರಿಸಿ ಅಧಿಕಾರಿಗಳೇ ಹೀಗೆ ತಪ್ಪು ಮಾಡುತ್ತಿದ್ದಾರೆ ನೋಡಿ ಎಂದು ಹಾಸ್ಯಾಸ್ಪದವಾಗಿಯೂ ಮಾತನಾಡಿದರು. ಕಾರಣ ಸಂಬಂಧಪಟ್ಟ ಅಧಿಕಾರಿಗಳು ತಕ್ಷಣ ಈ ಬಗ್ಗೆ ಗಮನಹರಿಸಿ ಸರಿಪಡಿಸಬೇಕಿದೆ.