ಸುದ್ದಿಮೂಲವಾರ್ತೆ
ಸಿರವಾರ: ಏ.೭ ವಿಧಾನ ಸಭೆಯ ಚುನಾವಣೆ ಪ್ರಚಾರ ಬರದಿಂದ ಸಾಗಿದ್ದು, ಮಾನ್ವಿ ಕ್ಷೇತ್ರದ ಜೆಡಿಎಸ್ ಪಕ್ಷದ ಅಭ್ಯರ್ಥಿಯಾದ ಹಾಲಿ ಶಾಸಕ ರಾಜಾ ವೆಂಕಟಪ್ಪ ನಾಯಕ ಪರವಾಗಿ ಅವರ ಸಹೋದರರಾದ ರಾಜಾ ರಾಮಚಂದ್ರ ನಾಯಕ, ರಾಜಾ ಆದರ್ಶ ನಾಯಕ ತಾಲೂಕಿನ ಗ್ರಾಮೀಣ ಪ್ರದೇಶಗಳಲ್ಲಿ ಪ್ರಚಾರದ ಜೊತೆಗೆ, ರೈತರಿಗೆ ಕಾಲುವೆ ನೀರಿನ, ಗ್ರಾಮದ ಸಮಸ್ಯೆಗೆ ಸ್ಪಂದಿಸುವ ಮೂಲಕ ಅವರಿಗೆ ಜೆಡಿಎಸ್ ಪಕ್ಷಕ್ಕೆ ಮತನೀಡುವಂತೆ ಮತದಾರ ಮನವೊಲಿಸಲು ಮುಂದಾಗಿದ್ದಾರೆ.
ಕುರುಕುಂದಾ ಗ್ರಾಮದಲ್ಲಿಂದು ಮುಸ್ಲಿಂ ಜನಾಂಗದ ಯುವಕರು ಆದರ್ಶ ನಾಯಕ ಸಮ್ಮುಖದಲ್ಲಿ ಜೆಡಿಎಸ್ ಸೇರ್ಪಡೆ ಯಾದರು, ಪ.ಪಂ.ಮಾಜಿ ಸದಸ್ಯ ಇಮಾಮ್, ವಲಿಸಾಬ್ ಗುತ್ತೆದಾರ, ಸತ್ತರಸಾಬ್ ಯಲ್ಲಪ್ಪ ದೊರೆ ಸೇರಿದಂತೆ ಅನೇಕರು ಇದ್ದರು.