ಕಲಬುರಗಿ ಏ ೧೩ : ಅಸೆಂಬ್ಲಿ ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷ ಸೇರುವ ಮೂಲಕ ಡಾ. ಅಜಯ್ ಸಿಂಗ್ ಅವರ ಕೈ ಬಲಪಡಿಸುವ ಸಂಕಲ್ಪ ಮಾಡಿರುವ ಜೇವರ್ಗಿ ಜನತೆ ಕಾಂಗ್ರೆಸ್ ಸೇರ್ಪಡೆ ಅಭಿಯಾನವನ್ನೇ ಆರಂಭಿಸಿದ್ದಾರೆ. ಗುರುವಾರ ನರಿಬೋಳ, ಹರನೂರ್, ಹಂಚನಾಳದಲ್ಲಿ ನಡೆದ ಸಮಾರಂಭಗಳಲ್ಲಿ ನೂರಾರು ಜನ ಮುಖಂಡರು ಅಜಯ್ ಧರ್ಮಸಿಂಗ್ ಸಮ್ಮುಖದಲ್ಲಿ ಕಾಂಗ್ರೆಸ್ ಪಕ್ಷವನ್ನು ಸೇರಿದ್ದಾರೆ.
ಕಾಂಗ್ರೆಸ್ ಪಕ್ಷದ ತತ್ವ, ಸಿದ್ದಾಂತಗಳನ್ನೆಲ್ಲ ನಂಬಿ ಬಂದ ಮುಖಂಡರಿಗೆ, ಕಾರ್ಯಕರ್ತರಿಗೆ ಶಾಸಕ ಡಾ. ಅಜಯ್ ಸಿಂಗ್ ಕಾಂಗ್ರೆಸ್ ಪಕ್ಷದ ಬಾವುಟ ಕೊಟ್ಟು ಪಕ್ಷಕ್ಕೆ ಸ್ವಾಗತಿಸಿದ್ದಾರೆ.
ನರಿಬೋಳದಿಂದ ಶರಣಗೌಡ ಪಾಟೀಲ್, ಭೀಮಣ್ಣ ನಾಯ್ಕೋಡಿ, ವಿಜಯ ನಾಯಿಕೋಡಿ, ವೀರಭದ್ರ ಹೊಟ್ಟಿ, ನಿಂಗಣ್ಣ ಗಡ್ಡದ, ಸಿದ್ದರಾಮ ಗಡ್ಡದ, ನಬೀಶಾ ದರವೇಶ, ದೊಡ್ಡಪ್ಪ ರಾವೂರ್, ಹಂಚನಾಳದಲ್ಲಿ ಶರಣಪ್ಪ ಕುರನಳ್ಳಿ, ಅಂಬ್ರಪ್ಪ, ಶರಣಪ್ಪ ಸುಂಬಡ, ಹರನೂರಲ್ಲಿ ಅಯ್ಯಣ್ಣ ದೇಸಾಯಿ ಹಾಗೂ ಪರಶುರಾಮ ದೇಸಾಯಿ ಈವರೆಲ್ಲರೂ ಇಂದು ಕಾಂಗ್ರೆಸ್ ಪಕ್ಷ ಸೇರಿ ಡಾ. ಅಜಯ್ ಸಿಂಗ್ ಅವರ ಗೆಲುವಿಗಾಗಿ ಕೆಲಸ ಮಾಡುವುದಾಗಿ ಘೋಷಿಸಿದ್ದಾರೆ.