ಆನೆ ಮೇಲೆ ಬಂದು ನಾಮಪತ್ರ ಸಲ್ಲಿಸಿದ ಆನೇಕಲ್ ಅಭ್ಯರ್ಥಿ

ಸುದ್ದಿಮೂಲ ವಾರ್ತೆ

ಬೆಂಗಳೂರು, ಏ.18: ಸಾಮಾನ್ಯವಾಗಿ ಅಭ್ಯರ್ಥಿಗಳು ತಮ್ಮ ಶಕ್ತಿ ಪ್ರದರ್ಶನವನ್ನು ತೋರಿಸೋದಕ್ಕ ಕಾರ್ ಶೋ ಅಥವಾ ಹೆಚ್ಚಿನ ಜನರನ್ನು ಸೇರಿಸಿ ರೋಡ್ ಶೋ ಮಾಡುವುದು ಸಾಮಾನ್ಯ. ಆದರೆ, ಆನೇಕಲ್‌ನ ಬಿಎಸ್ಪಿ ಅಭ್ಯರ್ಥಿ ಚಿನ್ನಪ್ಪ ಚಿಕ್ಕ ಹಾಗಡೆ ಆನೆ ಮೇಲೆ ಕೂತು ಪ್ರಮುಖ ಬೀದಿಗೆಗಳಲ್ಲಿ ಮೆರವಣಿಗೆ ನಡೆಸಿ ಕುತೂಹಲಕ್ಕೆ ಕಾರಣರಾದರು.

ಆನೇಕಲ್ ವಿಧಾನಸಭಾ ಕ್ಷೇತ್ರಕ್ಕೆ ಬಿಎಸ್‌ಪಿ ಪಕ್ಷದ ಅಭ್ಯರ್ಥಿ ಚಿನ್ನಪ್ಪ ಚಿಕ್ಕಹಾಗಡೆ ಇಂದು ನಾಮಪತ್ರ ಸಲ್ಲಿಕೆ ಮಾಡಲು ಕೃತಕ ಆನೆ ಒಂದನ್ನು ತರಿಸಿ ಆನೆ ಮೇಲೆ ಕೂತು ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ನಡೆಸಿದ್ದಾರೆ. ಎಎಸ್‌ಬಿ ಆಟದ ಮೈದಾನದಿಂದ ಆರಂಭಿಸಿ ತಹಶಿಲ್ದಾರ್ ಕಚೇರಿ ವರಿಗೆ ಮೆರವಣಿಗೆಯಲ್ಲಿ ಬಂದರು.

ಜೊತೆಗೆ ಸಾಂಸ್ಕೃತಿಕ ಕಲಾತಂಡಗಳು ಕೋಲಾಟ ತಂಡ ಸಾತ್ ನೀಡಿದರು. ಸುಮಾರು 2 ಸಾವಿರಕ್ಕೂ ಜನರೊಂದಿಗೆ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ನಡೆಸಿದ ಚೆನ್ನಪ್ಪ ಚಿಕ್ಕ ಹಾಗಡೆ ಅವರು ಬಳಿಕ ಚುನಾವಣೆ ಅಧಿಕಾರಿಗಳಿಗೆ ತಮ್ಮ ನಾಮಪತ್ರದ ಸಲ್ಲಿಕೆ ಮಾಡಿದರು.