ಬಿಸಿಲ ಧಗೆಗೆ ತಂಪೆರೆದ ಮಳೆರಾಯ

ಸುದ್ದಿಮೂಲ ವಾರ್ತೆ
ಬೆಂಗಳೂರು,ಏ.29: ಬಿಸಿಲಿನ ವಾತಾವರಣದಿಂದ ಜನರು ಬೇಸತ್ತಿದ್ದರು ದಿನ ಕಳೆದಂತೆ ಬಿಸಿಲಿನ ತಾಪ ಹೇಚ್ಚುತ್ತಲೇ ಇತ್ತು ಆದರೆ ಇಂದು ಬೆಂಗಳೂರು ನಗರದಲ್ಲಿ ಹಲವೆಡೆ ಮಳೆಯಾಗಿದ್ದು ಮಳೆಯು ತಾಜಾ ಮತ್ತು ತಂಗಾಳಿಯ ವಾತಾವರಣದಿಂದ ಜನರಿಗೆ ಸಂತೋಷ ಉಂಟುಮಾಡಿದೆ.

ನಗರದ ಹಲವೆಡೆ ಧಾರಾಕಾರವಾಗಿ ಸುರಿದ ಮಳೆಯಿಂದಾಗಿ ತಂಪಾದ ವಾತವರಣ ಸೃಷ್ಟಿಯಾಗಿದೆ. ಬಿಸಿಲಿನ ಧಗೆ ಅಲ್ಪ ಮಟ್ಟಿಗೆ ಕಡಿಮೆ ಯಾಗಿದೆ. ತಾಪಮಾನ ಏರಿಕೆಯಿಂದಾಗಿ ಬೇಸತ್ತಿದ್ದ ಜನರು ನಗರದಲ್ಲಿ ಮಳೆ ಕಂಡು ಹರುಷ ವ್ಯಕ್ತ ಪಡಿಸಿದ್ದಾರೆ. ಆದರೆ ಜೋರಾಗಿ ಸುರಿಯುತ್ತಿರುವ ಮಳೆಗೆ ವಾಹನ ಸವಾರರು ಪರದಾಡುವಂತಾಗಿದೆ.ಅನೀರಿಕ್ಷೀತವಾಗಿ ಸುರಿದ ಭಾರಿ ಮಳೆಗೆ ದ್ವಿಚಕ್ರ ವಾಹನ ಸವಾರಿಗೆ ಕೊಂಚ ಕಿರಿ ಕಿರಿ ಉಂಟಾಗಿದೆ.
ಬಿಸಿಲ ಧಗೆಗೆ ಮಳೆರಾಯ ತಂಪೆರದಿದ್ದಾನೆ. ಅನೀರಿಕ್ಷಿತ ಮಳೆಯಿಂದಾಗಿ ವಾಹನ ಸವಾರರಿಗೆ ಸ್ವಲ್ಪಕಿರಿಕಿರಿ ಉಂಟು ಮಾಡಿದರು ವತಾವರಣದಲ್ಲಿ ತಂಪಾಗಿದ್ದರಿಂದ ಜನರು ಸಂತಸಗೊಂಡಿದ್ದಾರೆ. ಬಿಸಿಲು, ತಾಪಮಾನ ಹೆಚ್ಚಳದಿಂದ ಬಿಸಿಯಾಗಿದ್ದ ಭೂಮಿಗೆ ಮಳೆರಾಯ ತಂಪೆರದಿದ್ದಾನೆ.