ಶಿಡ್ಲಘಟ್ಟ: ಸ್ಥಳೀಯನಿಗೆ ಮತ ನೀಡುವಂತೆ ಪಕ್ಷೇತರ ಸಂದೀಪ್ ರೆಡ್ಡಿ ಮನವಿ

ಸುದ್ದಿಮೂಲ ವಾರ್ತೆ

ಶಿಡ್ಲಘಟ್ಟ, ಮೇ 4: ಶಿಡ್ಲಘಟ್ಟ ವಿಧಾನಸಭಾ ಕ್ಷೇತ್ರದಲ್ಲಿ ಸ್ಥಳೀಯನಾದ ತಮಗೆ ಮತ ನಿಡುವಂತೆ ಪಕ್ಷೇತರ ಅಭ್ಯರ್ಥಿ ಎಚ್.ಆರ್. ಸಂದೀಪ್ ರೆಡ್ಡಿ ಮನವಿ ಮಾಡಿದರು.

ಅವರ ಸ್ವಗ್ರಾಮ ಹಳೆಹಳ್ಳಿಯಲ್ಲಿ ಮಾಧ್ಯಮಗೋಷ್ಠಿ ನಡೆಸಿ ಗುರುವಾತ ಮಾತನಾಡಿದ ಅವರು, ಶಿಡ್ಲಘಟ್ಟದಲ್ಲಿ ಹೊರಗಿನವರೇ ಬರುತ್ತಾರೆ. ಆದರೆ, ತಾವು ಇದೇ ಕ್ಷೇತ್ರದಲ್ಲಿ ಹುಟ್ಟಿ ಬೆಳೆದಿದ್ದೇನೆ. ಕ್ಷೇತ್ರದ ಮತದಾರರು ಸ್ಥಳೀಯನಿಗೆ ಆದ್ಯತೆ ನೀಡಬೇಕು ಎಂದರು.

ನಾಯಕನಾಗುವವನು ಒಳ್ಳೆಯವಾನಗಿರಬೇಕು ಮತ್ತು ಯುವಕನಾಗಿರಬೇಕು ಎಂದು ಜನ ಬಯಸುತ್ತಾರೆ. ನಾನೊಬ್ಬ ವಿದ್ಯಾವಂತ. ಶಿಡ್ಲಘಟ್ಟ ಮತದಾರರ ಧ್ವನಿಯಾಗಿ ಕೆಲಸ ಮಾಡುವ ಹಂಬಲ ಇದೆ. ನನ್ನನ್ನು ಜಯಗಳಿಸಬೇಕು. ನೀವು ನನ್ನ ಕೈ ಹಿಡಿದರೆ ಶಿಡ್ಲಘಟ್ಟ ಗೆಲ್ಲುತ್ತದೆ ಎಂದು ತಿಳಿಸಿದರು.

ಈ ಪತ್ರಿಕಾಗೋಷ್ಠಿಯಲ್ಲಿ ಸಂದೀಪ್ ರೆಡ್ಡಿ ತಂದೆ ರಾಮಲಿಂಗ ರೆಡ್ಡಿ ಹಾಗೂ ಹಳೆಹಳ್ಳಿಯ ಗ್ರಾಮದ ಹಿರಿಯ ಮುಖಂಡರು ಹಾಗೂ ಯುವಕರು ಹಾಜರಿದ್ದರು.