ಹಿರಿಯ ಸಂಗೀತ ಕಲಾವಿದ ಬಿ.ಎಸ್.ನಾರಾಯಣ ಅಯ್ಯಂಗಾರ್ ಅವರಿಗೆ ನೂರರ ಸಂಭ್ರಮ

ಸುದ್ದಿಮೂಲ ವಾರ್ತೆ

ರಾಮನಗರ,ಜೂ.7 : ಹಿರಿಯ ಸಂಗೀತ ಕಲಾವಿದ ಬಿ.ಎಸ್.ನಾರಾಯಣ ಅಯ್ಯಂಗಾರ್ ಅವರಿಗೆ ಜೂನ್‌ 7ಕ್ಕೆ 100 ವರ್ಷ ತುಂಬಿದೆ.  .

ಶತಾಯುಷಿಗಳ ಈ ಸಂಭ್ರಮವನ್ನು ಜುಲೈ 25 ಬೆಂಗಳೂರಿನ ಮಲ್ಲೇಶ್ವರದಲ್ಲಿರುವ ಶ್ರೀರಾಮಮಂದಿರದಲ್ಲಿ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದು ಅವರ ಪುತ್ರಿ ರಮಣಿ ತಿಳಿಸಿದ್ದಾರೆ.

ಜಿಲ್ಲೆಯ ಹಿರಿಯರು  ಸಂಗೀತ ಹಿನ್ನಲೆಯ ಕುಟುಂಬದಲ್ಲಿ ಜನಿಸಿದ್ದಾರೆ. ಸಂಗೀತವನ್ನೇ ಜೀವನವನ್ನಾಗಿಸಿಕೊಂಡು, ಸಾಧನೆ ಮಾಡಿದ್ದಾರೆ.. ನೂರಾರು ಮಂದಿಗೆ ಸಂಗೀತ ಹೇಳಿಕೊಟ್ಟಿದ್ದಾರೆ. ಇವರ ಮಕ್ಕಳು,, ಮೊಮ್ಮಕ್ಕಳೂ, ಸೊಸೆಯಂದಿರೂ ಸಹ ಸಂಗೀತ ಕ್ಷೇತ್ರದಲ್ಲಿ ತೊಡಗಿಸಿಕೊಳ್ಳುವಂತೆ ರೂಪಿಸಿದ್ದಾರೆ.

ಇಂದಿಗೂ ತಮ್ಮ ಸ್ವಗೃಹದಲ್ಲಿ ಮೂರು ತಿಂಗಳಿಗೊಮ್ಮೆ ಸಂಗೀತ ಸಭೆಯನ್ನು ಏರ್ಪಡಿಸಿ, ಬೆಳೆಯುವ ಪ್ರತಿಭೆಗಳಿಗೆ ಉತ್ತೇಜನವನ್ನು ನೀಡುತ್ತಿದ್ದಾರೆ. ತ್ಯಾಗರಾಜರು, ಪುರಂದರರು, ಕನಕದಾಸರ ಆರಾಧನೆಗಳನ್ನು ಬಹಳ ವಿಜೃಂಭಣೆಯಿಂದ ನಡೆಸಿಕೊಂಡು ಬರುತ್ತಿದ್ದಾರೆ.