ಸುದ್ದಿಮೂಲ ವಾರ್ತೆ
ಹೊಸಕೋಟೆ,ಜೂ.22 : ತಾಲೂಕಿನ ಶಿವನಾಪುರ ಎಸ್‌ಎಫ್‌ಸಿಎಸ್ ಸಂಘದ ನೂತನ ನಿರ್ದೇಶಕಿಯಾಗಿ ವಿನುತಾ ಮಹದೇವಯ್ಯ ಆಯ್ಕೆಯಾಗಿದ್ದಾರೆ.
ಈ ಹಿಂದೆ ನಿರ್ದೇಶಕಿಯಾಗಿದ್ದ ಎಸ್.ಕೆ. ಚಂದ್ರಕಲಾ ರಾಜೀನಾಮೆ ಸಲ್ಲಿಸಿದ್ದು, ತೆರವಾದ ಮಹಿಳಾ ಮೀಸಲಾತಿ ಸ್ಥಾನಕ್ಕೆ ದಿನಾಂಕ ನಡೆದ ಕಾರ್ಯಕಾರಿ ಮಂಡಳಿ ಸಭೆಯಲ್ಲಿದ್ದ ಎಲ್ಲಾ ನಿರ್ದೇಶಕರ ಸಹಮತದಿಂದ ಮಲಿಯಪ್ಪನಹಳ್ಳಿಯ ವಿನುತ ಮಹದೇವಯ್ಯರನ್ನು ಆಯ್ಕೆ ಮಾಡಲಾಗಿದೆ ಸಿಇಒ ಎಸ್.ಪಿ. ಪ್ರದೀಪ್ ತಿಳಿಸಿದರು.
ಜಿಪಂನ ಮಾಜಿ ಸದಸ್ಯ ಕಲ್ಲಪ್ಪ ಮಾತನಾಡಿ, ರೈತರಿಗೆ ಸಹಕಾರಿ ಸಂಘದಿಂದ ಸಿಗುವ ಸವಲತ್ತುಗಳನ್ನು ಒದಗಿಸುವ ಮೂಲಕ ಮಾದರಿಯಾಗಬೇಕು ಎಂದರು.
ಕಾರ್ಯಕ್ರಮದಲ್ಲಿ ಎಸ್‌ಎಫ್‌ಸಿಎಸ್‌ನ ಅಧ್ಯಕ್ಷೆ ಎನ್. ಮಂಜುಳ, ಉಪಾಧ್ಯಕ್ಷ ಎಸ್.ಎಂ.ಚಂದ್ರಶೇಖರ್, ನಿರ್ದೇಶಕರಾದ ಎಸ್.ವಿ. ಭುವನೇಶ್, ಸಿ. ರಮೇಶ್, ಎಸ್.ಎಂ. ದೇವೇಗೌಡ, ಎಸ್.ಎನ್. ರಮೇಶ್ ದೊಡ್ಡಮನೆ, ಬಿಡಿಸಿಸಿ ಪ್ರತಿನಿಧಿ ಹೆಚ್.ಎಂ. ರಾಜಣ್ಣ ಸೇರಿದಂತೆ ಗ್ರಾಮಸ್ಥರು ಹಾಜರಿದ್ದರು.