ಸುದ್ದಿಮೂಲವಾರ್ತೆ
ಕೊಪ್ಪಳ: ಕುಷ್ಟಗಿ ತಾಲೂಕಿನ ಸಂಗನಾಳ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಗಂಗನಾಳ ಹಾಗೂ ಮೇಣೆದಾಳ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಮೇಣೆದಾಳ ಗ್ರಾಮಕ್ಕೆ ಇಂದು ಜಿ.ಪಂ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ರಾಹುಲ್ ರತ್ನಂ ಪಾಂಡೆಯ ಅವರು ಭೇಟಿ ನೀಡಿದರು.
ಈ ವೇಳೆ ಗಂಗನಾಳ* ಗ್ರಾಮಕ್ಕೆ ಭೇಟಿ ನೀಡಿ ಗ್ರಾಮ ಪಂಚಾಯತಿ ಅಧ್ಯಕ್ಷರು ಸದಸ್ಯರು ಹಾಗೂ ಸಾರ್ವಜನಿಕರೊಂದಿಗೆ ಗ್ರಾಮದಲ್ಲಿನ ಮೂಲಭೂತ ಸೌಕರ್ಯಗಳ ಕುರಿತು ಚರ್ಚಿಸಿದರು.
ಮೇಣೆದಾಳ ಗ್ರಾಮಕ್ಕೆ ತೆರಳಿ ಪ್ರಗತಿ ಹಂತದಲ್ಲಿರುವ ಭಾರತ್ ನಿರ್ಮಾಣ ಸೇವಾಕೇಂದ್ರ ಎನ್ ಆರ್ ಎಲ್ ಎಂ ಶೆಡ್ , ಇಕೋ ಪಾರ್ಕ್ , ಇಕೋ ಗಾರ್ಡನ್ , ಅಡುಗೆ ಕೋಣೆ , ಶಾಲಾ ಕಾಂಪೌಂಡ್ ಕಾಮಗಾರಿಗಳನ್ನು ವೀಕ್ಷಣೆ ಮಾಡಿ ತ್ವರಿತವಾಗಿ ಕಾಮಗಾರಿಗಳನ್ನು ಪೂರ್ಣಗೊಳಿಸಲು ತಿಳಿಸಿದರು. ಹಾಗೂ ಅಮೃತ ಸರೋವರದ ಕೆರೆಗೆ ಬೇಟಿ ನೀಡಿ ವೀಕ್ಷಣೆ ಮಾಡಿದರು.
ಬಾಪೂಜಿ ಸೇವಾ ಕೇಂದ್ರಕೆ ಬೇಟಿ ನೀಡಿ ಗೃಹಲಕ್ಷ್ಮಿ ಯೋಜನೆಯ ಅರ್ಜಿಗಳ ಕುರಿತು ಸಿಬ್ಬಂದಿಯೊಂದಿಗೆ ಚರ್ಚಿಸಿದರು.
ಈ ಸಂದರ್ಭದಲ್ಲಿ ತಾಪಂ ಕಾರ್ಯನಿರ್ವಾಹಕ ಅಧಿಕಾರಿಗಳಾದ ಶಿವಪ್ಪ ಸುಬೇದಾರ್ , ಆರ್ ಎಫ್ ಓ ಸತೀಶ್ , ಎ ಇ ಇ ರಿಜ್ವಾನ ಬೇಗಮ್ , ಪಿಡಿಓಗಳಾದ ಬಸವರಾಜ್ , ಕವಿತಾ ಪಾಟೀಲ್ , ಸೇರಿದಂತೆ ತಾ.ಪಂ ತಾಂತ್ರಿಕ ಸಂಯೋಜಕ ಬಸವರಾಜ್, ಐಇಸಿ ಸಂಯೋಜಕ ಚಂದ್ರಶೇಖರ್ ಹಿರೇಮಠ್*, ತಾಂತ್ರಿಕ ಸಹಾಯಕ ನೀಲಕಂಠ*, ಗ್ರಾಮ ಪಂಚಾಯತಿ ಸಿಬ್ಬಂದಿಗಳು, ಇದ್ದರು.