ಸುದ್ದಿಮೂಲ ವಾರ್ತೆ
ತಿಪಟೂರು, ಜು.30: ವೀರಶೈವ ಲಿಂಗಾಯತ ನೌಕರರ ಕ್ಷೇಮಾಭಿವೃದ್ಧಿ ಸಂಘದಿಂದ ಸಮಾಜದಲ್ಲಿ ಉತ್ತಮ ರೀತಿಯಲ್ಲಿ ಸೇವೆ ಸಲ್ಲಿಸಿ ನಿವೃತ್ತಿಯಾದ ನಿವೃತ್ತಿ ನೌಕರರಿಗೆ ಹಾಗೂ ಎಸ್ಎಸ್ಎಲ್ಸಿ ಮತ್ತು ಪಿಯುಸಿಯಲ್ಲಿ ಶೇಕಡ 85 ಕ್ಕಿಂತ ಹೆಚ್ಚು ಅಂಕ ಪಡೆದ ಪ್ರತಿಭಾನ್ವಿತ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ಮಾಡಲಾಯಿತು.
ನಗರದ ಒಕ್ಕಲಿಗರ ಭವನದಲ್ಲಿ ನಡೆದ ಪ್ರತಿಭಾ ಪುರಸ್ಕಾರ ನೂರಕ್ಕೂ ಹೆಚ್ಚು ಸಮಾಜದ ಮಕ್ಕಳು ಭಾಗಿಯಾಗಿದ್ದರು 30ಕ್ಕೂ ಹೆಚ್ಚು ನಿವೃತ್ತ ನೌಕರರು ಸನ್ಮಾನ ಸ್ವೀಕರಿಸಿದರು
ಈ ಒಂದು ಸಮಾರಂಭಕ್ಕೆ ಶಾಸಕ ಷಡಕ್ಷರಿ , ಬೆಳ್ಳಾವಿಯ ಶ್ರೀಕಾರದ ಗುರುಸ್ವಾಮಿಗಳು, ಶಿಕ್ಷಣ ಇಲಾಖೆ ಉಪ ನಿರ್ದೇಶಕ ಪ್ರಭುಸ್ವಾಮಿ, ತಿಪಟೂರು ತಾಲೂಕು ವೀರಶೈವ ಲಿಂಗಾಯತ ನೌಕರರ ಕ್ಷೇಮಾಭಿವೃದ್ಧಿ ಸಂಘದ ಅಧ್ಯಕ್ಷ ಸ್ವಾಮಿ ಕರ್ನಾಟಕ ರಾಜ್ಯ ವೀರಶೈವ ಲಿಂಗಾಯತ ನೌಕರರ ಕ್ಷೇಮಾಭಿವೃದ್ಧಿ ಸಂಘದ ಪ್ರಧಾನ ಕಾರ್ಯದರ್ಶಿ ಪ್ರಸನ್ನ ಕುಮಾರ್ ಸಂಗಮೇಶ್, ತುಮಕೂರಿನ ಜ್ಯೋತಿಗಣೇಶ್, ಕೆಎಂಎಫ್ ನಿರ್ದೇಶಕರಾದ ಮಾದಿಹಳ್ಳಿ ಪ್ರಕಾಶ್, ಕೌನ್ಸಿಲ್ಲರ್ ಆದ ಯಮುನಾ ಧರಣೇಶ್, ಯೋಗೀಶ್ ಹಾಗೂ ಸಂಘದ ಎಲ್ಲಾ ಪದಾಧಿಕಾರಿಗಳು ಈ ಒಂದು ಕಾರ್ಯಕ್ರಮದಲ್ಲಿ ಹಾಜರಿದ್ದರು
ಬೆಳ್ಳಾವಿಯ ಶ್ರೀ ಕಾರದ ಗುರುಗಳು ಮಾತನಾಡಿ, ನಮ್ಮ ಸಮಾಜದಲ್ಲಿ ಇಷ್ಟೊಂದು ಪ್ರತಿಭೆಗಳು ದಿನೇ ದಿನೇ ಉದ್ಭವಿಸುತ್ತಿರುವುದು ನಮಗೆ ಸಂತೋಷದ ಸುದ್ದಿ. ಪ್ರತಿಯೊಬ್ಬರೂ ಎದೆ ಮೇಲೆ ಲಿಂಗವನ್ನು ಕಟ್ಟಿ ತಂದೆ ತಾಯಿಗಳು ಮಕ್ಕಳಿಗೆ ಉತ್ತಮ ಸಂಸ್ಕಾರ ಬೋಧನೆ ಮಾಡಿ ನಿಮ್ಮ ಎದೆಯ ಮೇಲೆ ಲಿಂಗ ಇದ್ದರೆ ಯಾವುದೇ ಪಿಶಾಚಿ ಯಾವುದೇ ದುಷ್ಟ ಶಕ್ತಿಗಳು ಯಾವುದೇ ಒಂದು ಕೆಟ್ಟ ಚಟಗಳು ನಿಮ್ಮ ಹತ್ತಿರ ಬರದಂತೆ ನೋಡಿಕೊಳ್ಳಲು ಸಹಾಯಕವಾಗುತ್ತದೆ. ಈ ಕಾರ್ಯಕ್ರಮದಲ್ಲಿ ಎಲ್ಲಾ ಪ್ರತಿಭಾನ್ವಿತ ಮಕ್ಕಳಿಗೆ ರುದ್ರಾಕ್ಷಿ ಸರವನ್ನು ವಿತರಿಸಲಾಯಿತು.
ನಂತರ ಶಾಸಕ ಷಡಕ್ಷರಿ ಮಾತನಾಡಿ, ನಾನು ಸುಮಾರು ಕಾಲೇಜುಗಳ ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದೇನೆ. ಎಲ್ಲಾ ಕಾಲೇಜಿನ ಮಕ್ಕಳು ಸಹ ನೂರಕ್ಕೆ ನೂರು ಫಲಿತಾಂಶವನ್ನು ತೆಗೆದು ತೇರ್ಗಡೆ ಗೊಂಡಿರುತ್ತಾರೆ. ಆದ್ದರಿಂದ ಎಲ್ಲಾ ಮಕ್ಕಳು ಉತ್ತಮ ಸಾಧನೆ ಮತ್ತು ಗುರಿ ಹಾಗೂ ಅವರ ಒಂದು ಈ ಸಂದರ್ಭದಲ್ಲಿ ಸಂತೋಷ ವ್ಯಕ್ತಪಡಿಸಿದರು.
ತಿಪಟೂರು ತಾಲೂಕು ವೀರಶೈವ ಲಿಂಗಾಯತ ನೌಕರ ಕ್ಷೇಮಾಭಿವೃದ್ಧಿ ಸಂಘದ ಅಧ್ಯಕ್ಷ ಸ್ವಾಮಿ ಮಾತನಾಡಿ, ನಾವು ಪ್ರತಿ ಬಾರಿಯಂತೆ ಈ ಬಾರಿಯೂ 17ನೇ ಪ್ರತಿಭಾ ಪುರಸ್ಕಾರ ಮತ್ತು ನಿವೃತ್ತ ನೌಕರರಿಗೆ ಸನ್ಮಾನ ಕಾರ್ಯಕ್ರಮವನ್ನು ಯಶಸ್ವಿಯಾಗಿ ಮಾಡಿಕೊಂಡು ಬರುತ್ತಿದ್ದೇವೆ. ನಮ್ಮ ಉದ್ದೇಶ ನಮ್ಮ ಸಮಾಜದ ಮಕ್ಕಳು ಮುಂದೆ ಬಂದು ಎಲ್ಲರಲ್ಲೂ ಪ್ರೀತಿ ವಿಶ್ವಾಸದಿಂದ ಬೆಳೆದು ಉತ್ತಮ ಸಮಾಜದ ನಾಗರಿಕ ಪ್ರಜೆಗಳಾಗಬೇಕು ಎಂಬುದೇ ನಮ್ಮ ಉದ್ದೇಶ ಎಂದು ಕಿವಿ ಮಾತನ್ನು ಹೇಳಿದರು
ಈ ಕಾರ್ಯಕ್ರಮಕ್ಕೆ ವೀರಶೈವ ಲಿಂಗಾಯಿತ ನೌಕರರ ಕ್ಷೇಮಾಭಿವೃದ್ಧಿ ಸಂಘದ ಎಲ್ಲಾ ಅಧಿಕಾರಿಗಳು ಹಾಗೂ ಮಕ್ಕಳು ಪೋಷಕರು ನಿವೃತ್ತ ನೌಕರರು ಸಮಾಜದ ಬಂದು ಬಾಂದವರೆಲ್ಲರೂ ಸುಮಾರು ಸಂಖ್ಯೆಯಲ್ಲಿ ಹಾಜರಿದ್ದು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು