ಸುದ್ದಿಮೂಲ ವಾರ್ತೆ
ಜೇವರ್ಗಿ,ಆ.1: ತಾಲೂಕಿನ ಕೊಳಕೂರ ಗ್ರಾಮ ಪಂಚಾಯತಿಯ ನೂತನ ಅಧ್ಯಕ್ಷರಾಗಿ ಬಿಜೆಪಿ ಬೆಂಬಲಿತ ನೀಲಮ್ಮ ಬಸವರಾಜ್ ಕಟ್ಟಿ ಹಾಗೂ ಉಪಾಧ್ಯಕ್ಷರಾಗಿ ವಿಜಯಲಕ್ಷ್ಮಿ ಶಾಮರಾವ್ ಗುಂಡೆದ ಆಯ್ಕೆಯಾದರು.
ಮಂಗಳವಾರ ನಡೆದ ಅಧ್ಯಕ್ಷ ಮತ್ತು ಉಪಾಧ್ಯಕ್ಷರ ಚುನಾವಣೆಯಲ್ಲಿ ಒಟ್ಟು17 ಮತಗಳಲ್ಲಿ14 ಮತಗಳು ಪಡೆದ ನೀಲಮ್ಮ ಬಸವರಾಜ್ ಕಟ್ಟಿ ಅವರು ಅಧ್ಯಕ್ಷರಾಗಿ ಆಯ್ಕೆಯಾದರು. ವಿಜಯಲಕ್ಷ್ಮಿ ಶಾಮರಾವ್ ಗುಂಡೆದ 17 ಮತಗಳಲ್ಲಿ 10 ಮತಗಳು ಪಡೆದು ಉಪಾಧ್ಯಕ್ಷರಾಗಿ ಆಯ್ಕೆಗೊಂಡರು. ಬಿಜೆಪಿ ಪಕ್ಷದ ಕಾರ್ಯಕರ್ತರು ಸಿಹಿ ಹಂಚಿ ವಿಜಯೋತ್ಸವ ಆಚರಿಸಿದರು.
ವಿಜಯೋತ್ಸವದಲ್ಲಿ ಭಾಗಿಯಾಗಿ ಮಾತನಾಡಿದ ಬಿಜೆಪಿ ಗ್ರಾಮಾಂತರ ಜಿಲ್ಲಾಧ್ಯಕ್ಷ ಶಿವರಾಜ ಪಾಟೀಲ್ ರದ್ದೆವಾಡಗಿ ಅವರು, ನೂತನ ಅಧ್ಯಕ್ಷ, ಉಪಾಧ್ಯಕ್ಷರಿಗೆ ಅಭಿನಂದನೆ ಸಲ್ಲಿಸಿ, ತಾಲೂಕಿನ ಬಿಜೆಪಿ ಕಾರ್ಯಕರ್ತರು ಬಹಳ ಶ್ರಮಪಟ್ಟು ಪಕ್ಷದ ಕೆಸಲವನ್ನು ಮಾಡುತ್ತಾರೆ. ಅವರ ಶ್ರಮಕ್ಕೆ ತಕ್ಕ ಫಲ ಸಿಗುತ್ತದೆ ಎನ್ನುವುದಕ್ಕೆ ಇದು ಒಂದು ಉದಾಹರಣೆ ಎಂದು ಹರ್ಷ ವ್ಯಕ್ತಪಡಿಸಿದರು.
ಕಾರ್ಯಕರ್ತರು ಪಕ್ಷದ ಏಳಿಗೆಗೆ ಶ್ರಮಿಸಿ ಪಕ್ಷಕ್ಕೆ ನ್ಯಾಯಯುತವಾಗಿ ದುಡಿದರೆ ಪಕ್ಷದಿಂದ ಒಂದಿಲ್ಲೊಂದು ರೀತಿಯಲ್ಲಿ ಅಧೀಕಾರ ಸಿಗುತ್ತದೆ. ಕೊಳಕೂರ ಗ್ರಾಮದಲ್ಲಿ ನಮ್ಮ ಪಕ್ಷದ ಅಭ್ಯರ್ಥಿ ಗ್ರಾಮ ಪಂಚಾಯತ್ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದು ನಮ್ಮಗೆ ಹಾಗೂ ನಮ್ಮ ಪಕ್ಷಕ್ಕೆ ತುಂಬಾ ಸಂತೋಷ ತಂದಿದೆ ಎಂದರು.
ಈ ಸಂದರ್ಭದಲ್ಲಿ ಮಲ್ಲನಗೌಡ ರದ್ದೇವಾಡಗಿ, ಗುರುಶಾಂತಗೌಡ ಸಿಕ್ಕಿದ್, ಅಶೋಕ್ ಗೌನಳ್ಳಿ, ಬಾಪುಗೌಡ ಗೌನಳ್ಳಿ, ವೀರಣ್ಣ ಗುತ್ತ, ಮಲ್ಲಣ್ಣ ಕುಲಕರ್ಣಿ, ಆನಂದ ಹೊಸಮನಿ, ತಿಪ್ಪಣ್ಣಗೌಡ ಗೌನಳ್ಳಿ, ರಾಯಪ್ಪ ಕೋಳಕೂರ, ಬಸವರಾಜ ಕಟ್ಟಿ, ಈರಣ್ಣ ಯಾದವ್, ಪಿರಣ್ಣ ಗುತ್ತ, ಈರಣ್ಣ ಕಂಬಾರ, ಗುಂಡೆರಾಯ ಬೈರಾಮಡಗಿ, ಬಾಗಣ್ಣ ಯಾದವ, ಮಲ್ಲಣ್ಣ ತೊಟ್ನಳ್ಳಿ, ಭೀಮಣ್ಣ ನಾಟೀಕರ್, ಬಸಣ್ಣ ಹನೂರ, ಸಿದ್ದು ಕೂಡಿ, ಹಣಮಂತ್ರಾಯ ಗೌನಳ್ಳಿ ಸೆರಿದಂತೆ ಗ್ರಾಮ ಪಂಚಾಯತಿ ಸದಸ್ಯರು ಮತ್ತು ಗ್ರಾಮಸ್ಥರು ಉಪಸ್ಥಿತತರಿದ್ದರು.