ಸುದ್ದಿಮೂಲವಾರ್ತೆ
ಹೊಸಕೋಟೆ, ಆ. 17 : ನಗರದಲ್ಲಿ ಮಹಾದೇವ ಸಮೂಹ ಶಿಕ್ಷಣ ಸಂಸ್ಥೆಯಿಂದ ಒಂದು ಕಿಲೊಮೀಟರ್ ಉದ್ದದ ರಾಷ್ಟ್ರಧ್ವಜ ಮೆರವಣಿಗೆಗೆ ಚಾಲನೆ ನೀಡಿ ಮಾತನಾಡಿದರು.
ಸ್ವಾತಂತ್ರ‍್ಯ ಹೋರಾಟದಲ್ಲಿ ಪ್ರಾಣ ತ್ಯಾಗ ಮಾಡಿದ ಸಾವಿರಾರು ಮಂದಿಯ ಆದರ್ಶ, ತ್ಯಾಗ ಬಲಿದಾನಗಳ ಮಹತ್ವ ಮತ್ತು ದೇಶ ಭಕ್ತಿಯ ಸಂದೇಶವನ್ನು ಹೊಸಕೋಟೆಯ ಮತ್ತು ನಾಡಿನ ಜನತೆಗೆ ಸಾರುವ ನಿಟ್ಟಿನಲ್ಲಿ ಒಂದು ಕಿಲೋಮೀಟರ್ ಉದ್ದದ ತ್ರಿವರ್ಣ ಧ್ವಜವನ್ನು ನಗರದ ಪ್ರಮುಖ ರಸ್ತೆಗಳಲ್ಲಿ ಮೆರವಣಿಗೆ ಮಾಡಿ ಐತಿಹಾಸಿಕ ಸ್ವಾತಂತ್ರೋತ್ಸವಕ್ಕೆ ಸಾಕ್ಷಿಯಾಗಿದೆ ಎಂದರು.
ಮಹಾದೇವ ಶಿಕ್ಷಣ ಸಂಸ್ಥೆಯ ಸಂಸ್ಥಾಪಕ ರಾಮಾಂಜಿನಿ ಮಾತನಾಡಿ, ಸ್ವಾತಂತ್ರ‍್ಯ ನಮಗೆ ಸಿಗಲಿಲ್ಲ ಸಾವಿರಾರು ಜನರ ತ್ಯಾಗಗಳಿಂದ ಗಳಿಸಿದ್ದು ನಾವು ನಮ್ಮ ಹಕ್ಕುಗಳ ಜೊತೆಗೆ ಕರ್ತವ್ಯವನ್ನು ಪಾಲಿಸಿ ಪ್ರತಿಯೊಬ್ಬರೂ ಸಹ ನಮ್ಮ ನಾಡು ನುಡಿ ನೆಲ ಜಲ ಎಂಬ ದೇಶ ಪ್ರೇಮವನ್ನು ಮೈಗೂಡಿಸಿಕೊಳ್ಳಬೇಕು ಆಗ ಮಾತ್ರ ಭಾರತ ಮುಂದುವರೆದ ದೇಶ ಆಗಲು ಸಾಧ್ಯ ಎಂದರು.
ಈ ಸಂಧರ್ಭದಲ್ಲಿ ಆಡಳಿತ ಮಂಡಳಿಯ ಸದಸ್ಯರಾದ ಮಯೂರ್, ಹರೀಶ್ ರೆಡ್ಡಿ ಸೇರಿದಂತೆ ಭೋಧಕ ಬೋಧಕೇತರ ಸಿಬ್ಬಂದಿ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.