ಸುದ್ದಿಮೂಲ ವಾರ್ತೆ
ಹೊಸಕೋಟೆ, ಸೆ. 12 : ನಂದಗುಡಿ ಹೋಬಳಿಯ ನೆಲವಾಗಿಲು ಎಂಪಿಸಿಎಸ್ಗೆ ಕಾಂಗ್ರೆಸ್ ಬೆಂಬಲಿತ ನೂತನ ಅಧ್ಯಕ್ಷ ಮಂಜುನಾಥ್ ಎನ್. ಹಾಗೂ ಉಪಾಧ್ಯಕ್ಷರಾಗಿ ಎನ್.ಎಂ. ಕಿರಣ್ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
ಅಧ್ಯಕ್ಷ ಮತ್ತು ಉಪಾಧ್ಯಕ್ಷ ಸ್ಥಾನಕ್ಕೆ ತಲಾ ಒಂದೊಂದು ನಾಮಪತ್ರ ಸಲ್ಲಿಸಿದ್ದರಿಂದ ಅಂತಿಮವಾಗಿ ಅವಿರೋಧವಾಗಿ ಆಯ್ಕೆ ಮಾಡಲಾಯಿತು ಎಂದು ಚುನಾವಣಾಧಿಕಾರಿ ಶಿವಕುಮಾರ್ ಘೋಷಿಸಿದರು.
ರಾಜ್ಯ ಒಕ್ಕಲಿಗರ ಸಂಘದ ನಿರ್ದೇಶಕ ಬಿ.ವಿ.ರಾಜಶೇಖರ್ಗೌಡ ಮಾತನಾಡಿ, ಸಂಘವನ್ನು ಆರ್ಥಿಕವಾಗಿ ಮುನ್ನೆಡಸಲು ಶ್ರಮಿಸಬೇಕು. ಸರಕಾರ ಹಾಗೂ ಬಮೂಲ್ ವತಿಯಿಂದ ಸಿಗುವಂತಹ ಸೌಲಭ್ಯಗಳನ್ನು ರೈತರಿಗೆ ಪ್ರಾಮಾಣಿಕವಾಗಿ ಸಿಗುವಂತಾಗಬೇಕು. ಪಕ್ಷ ಮರೆತು ಸಂಘವನ್ನು ಆರ್ಥಿಕವಾಗಿ ಸದೃಢಗೊಳಿಸಬೇಕು ಎಂದರು.
ಈ ಸಂದರ್ಭದಲ್ಲಿ ಎಸ್ಎಫ್ಸಿಎಸ್ನ ಅಧ್ಯಕ್ಷ ಎಸ್. ಮಂಜುನಾಥ್,ನಿರ್ದೇಶಕರಾದ ಎನ್.ಡಿ.ರಮೇಶ್, ಹೆಚ್.ಕೆ. ನಾರಾಯಣಗೌಡ,ಎ.ಆರ್. ಕೃಷ್ಣಪ್ಪ, ಡೈರಿ ಕಾರ್ಯದರ್ಶಿ ಜಯಣ್ಣ, ಗ್ರಾಪಂ ಸದಸ್ಯ ಪದ್ಮನಾಗೇಶ್, ಮಧುಸೂದನ್, ಗ್ರಾ.ಪಂನ ಮಾಜಿ ಅಧ್ಯಕ್ಷ ಚಂದ್ರಪ್ಪ, ಮಾಜಿ ಉಪಾಧ್ಯಕ್ಷ ಮಧುಸೂದನ್, ಮುಖಂಡರಾದ ಸಿ.ಆರ್.ಸಿ. ಕೃಷ್ಣಪ್ಪ,ಲಕ್ಷ್ಮಣ್,, ಮಧು, ನಾರಾಯಣರೆಡ್ಡಿ, ನೂತನ ನಿರ್ದೇಶಕರಾದ ಜಿ.ಮೂರ್ತಿ, ಎನ್.ಗಿರೀಶ್, ಎನ್.ಜೆ.ನಾಗೇಶ್, ನಂಜುಂಡೇಶ್ವರ, ರಾಕೇಶ್, ಭಾರತಿ, ಉಮಾ ಹಾಗೂ ಕಾಂಗ್ರೆಸ್ ಕಾರ್ಯಕರ್ತರು ಭಾಗವಹಿಸಿದ್ದರು.