ಸುದ್ದಿಮೂಲ ವಾರ್ತೆ
ದೇವನಹಳ್ಳಿ, ಅ. 25 : ಪ್ರತಿಯೊಬ್ಬ ಯುವಪೀಳಿಗೆ ಸರಳತೆ ಮೈಗೂಡಿಸಿಕೊಳ್ಳಬೇಕು. ಆಡಂಬರದ ಹುಟ್ಟುಹಬ್ಬ ಆಚರಣೆಯಿಂದ ಹಣ, ಸಮಯ ವ್ಯರ್ಥವಾಗುತ್ತದೆ. ಪರಿಸರ ಸ್ನೇಹಿ ಹುಟ್ಟುಹಬ್ಬವನ್ನು ಆಚರಿಸುವುದು ಉತ್ತಮ ಎಂದು ಭಾವಿಸಿ ಈ ತರಹದ ಆಚರಣೆಯನ್ನು ಮಾಡಿಕೊಂಡು ಬರಲಾಗಿದೆ ಎಂದು ರಾಷ್ಟ್ರೀಯ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ರಕ್ಷಾ ರಾಮಾಯ್ಯ.ಎಸ್ ತಿಳಿಸಿದರು.
ದೇವನಹಳ್ಳಿ ಪಟ್ಟಣದ ಬೈಪಾಸ್ ರಸ್ತೆಯ ಎಂ.ಎಸ್.ರಾಮಯ್ಯ ಯೂತ್ ಪೌಂಡೇಷನ್ ಕಚೇರಿಯ ಆವರಣದಲ್ಲಿ ರಕ್ಷಾ ರಾಮಯ್ಯ ಅಭಿಮಾನಗಳ ಬಳಗದ ವತಿಯಿಂದ ಹಮ್ಮಿಕೊಂಡಿದ್ದ ಹುಟ್ಟುಹಬ್ಬ ಆಚರಣೆ ಕಾರ್ಯಕ್ರಮದಲ್ಲಿ ಮಾತನಾಡಿದರು.
ಮುಂದಿನ ಚುನಾವಣೆ ಸಮೀಪವಿರುವ ಕಾರಣ ನಮ್ಮ ಪಕ್ಷದಿಂದ ಹಿರಿಯ ನಾಯಕರು ನೀಡುವ ಕೆಲಸದಡಿಯಲ್ಲಿ ಕಾರ್ಯನಿರ್ವಹಿಸಿ ಪಕ್ಷ ಸಂಘಟನೆ ಮಾಡಲಾಗುವುದು ಎಂದರು.
ತಮ್ಮ ಹಿತೈಷಿಗಳು ಹಾಗೂ ಸ್ನೇಹಿತರು ಚಿಕ್ಕಬಳ್ಳಾಪುರದ ಯುವ ನೇತಾರ ಎಂದು ಕೂಗೂವುದರ ಮುಖಂಡರುಗಳೊಂದಿಗೆ ಸರಳವಾಗಿ ಆಚರಿಸಿಕೊಂಡರು.
ಇದೇ ಸಂದರ್ಭದಲ್ಲಿ ಚಿಕ್ಕಬಳ್ಳಾಪುರ ಲೋಕಸಭಾ ಉಸ್ತುವಾರಿ ಮತ್ತು ಚಿಕ್ಕಬಳ್ಳಾಪುರ ಮಹಿಳಾ ಜಿಲ್ಲಾಧ್ಯಕ್ಷ ಮಮತಾ ಮೂರ್ತಿ, ಗೋವಿಂದರಾಜನಗರ ವಿಧಾನಸಭಾ ಕ್ಷೇತ್ರದ ಶಾಸಕ ಪ್ರಿಯಕೃಷ್ಣ, ದೇವನಹಳ್ಳಿ ಮುಖಂಡ ಸುಭಾಷ್, ಆಪ್ತ ಸಹಾಯಕ ದರ್ಶನ್, ರಾಮಯ್ಯ ಯೂಥ್ ಫೌಂಡೇಶನ್ ನ ಪದಾಧಿಕಾರಿಗಳು ಹಾಗೂ ರಕ್ಷಾ ರಾಮಯ್ಯ ರವರ ಅಭಿಮಾನಿಗಳು ಮತಿತ್ತರರು ಇದ್ದರು.