ಬೆಂಗಳೂರು, ನ, 23; ಸ್ಪೋರ್ಟ್ಸ್‌ ಕರಾಟೆ ಅಸೋಸಿಯೇಷನ್‌ ನಿಂದ ಈ ತಿಂಗಳ 25 ಹಾಗೂ 26 ರಂದು ಬೆಂಗಳೂರಿನಲ್ಲಿ ರಾಜ್ಯಮಟ್ಟದ ಕರಾಟೆ ಚಾಂಪಿಯನ್‌ ಶಿಫ್‌ ಆಯೋಜಿಸಲಾಗಿದೆ.
ಆಲ್‌ ಇಂಡಿಯಾ ಕರಾಟೆ ಡು ಫೆಡರೇಷನ್‌ ನಿಂದ ಮಾನ್ಯತೆ ಪಡೆದಿರುವ ಸ್ಪೋರ್ಟ್ಸ್‌ ಕರಾಟೆ ಅಸೋಸಿಯೇಷನ್‌ ನಿಂದ ಪಂದ್ಯಾವಳಿ ಆಯೋಜಿಸುತ್ತಿದ್ದು, 31 ಜಿಲ್ಲೆಗಳ ಕ್ರೀಡಾಪಟುಗಳು ಭಾಗಹಿಸುತ್ತಿದ್ದಾರೆ. 80 ಕ್ಕೂ ಅಧಿಕ ವಲಯದಲ್ಲಿ ಸ್ಪರ್ಧೆ ಏರ್ಪಡಿಸಲಾಗಿದೆ ಎಂದು ಅಸೋಸಿಯೇಷನ್‌ ನ ಪ್ರಧಾನ ಕಾರ್ಯದರ್ಶಿ ರನ್ಶಿ ಆರ್‌ ಗಣೇಶ್‌ ತಿಳಿಸಿದ್ದಾರೆ.
ರಾಜ್ಯದಲ್ಲಿ ಕರಾಟೆ ಕ್ರೀಡೆಗೆ ಹೆಚ್ಚಿನ ಪ್ರೋತ್ಸಾಹ ನೀಡುವ ಉದ್ದೇಶದಿಂದ ದೊಡ್ಡ ಮಟ್ಟದಲ್ಲಿ ಕ್ರೀಡಾಕೂಟ ಆಯೋಜಿಸಲಾಗುತ್ತಿದೆ. ಪ್ರಶಸ್ತಿ ಪ್ರದಾನ ಸಮಾರಂಭ ಕೋರಮಂಗಲದ ಬಿಲ್ಡರ್ಸ್‌ ಕ್ಲಬ್‌ ನಲ್ಲಿ ನ. 26 ರಂದು ಆಯೋಜಿಸಿದ್ದು, ಕ್ರೀಡಾ ಕ್ಷೇತ್ರದ ಗಣ್ಯರು ಪಾಲ್ಗೊಳ್ಳಲಿದ್ದಾರೆ ಎಂದು ಹೇಳಿದ್ದಾರೆ.