ಬೆಂಗಳೂರು :ವಸತಿ ಸಚಿವ ಜಮೀರ್ ಅಹಮದ್ ಖಾನ್ ಅವರ ಹುಟ್ಟುಹಬ್ಬದ ಪ್ರಯುಕ್ತ ಮಾರುತಿ ಎಂಬ ಯುವಕ ಕಲಬುರಗಿಯಿಂದ ಬೆಂಗಳೂರಿಗೆ ಪಾದಯಾತ್ರೆ ಯಲ್ಲಿ ಆಗಮಿಸಿದ್ದಾನೆ.
ರಾಜ್ಯದಲ್ಲಿ ಕಾಂಗ್ರೆಸ್ ಸರ್ಕಾರ ಅಧಿಕಾರಕ್ಕೆ ಬಂದು ಜಮೀರ್ ಅಹಮದ್ ಖಾನ್ ಅವರು ಸಚಿವರಾದರೆ ಕಲಬುರಗಿ ಯಿಂದ ಬೆಂಗಳೂರಿನ ವರೆಗೆ ಪಾದಯಾತ್ರೆ ನಡೆಸುವುದಾಗಿ ಹರಕೆ ಹೊತ್ತಿದ್ದ ಮಾರುತಿ ಎಂಬ ಯುವಕ ಜುಲೈ 10 ರಂದು ಕಲಬುರಗಿ ಬಿಟ್ಟು 31 ಕ್ಕೆ ಬೆಂಗಳೂರು ತಲುಪಿದರು.
ಮಂಗಳವಾರ ಜಮೀರ್ ಅಹಮದ್ ಖಾನ್ ಅವರ ನ್ನು ಸನ್ಮಾನಿಸಲು ಬಂದ ಮಾರುತಿಯ ಪ್ರೀತಿ ಗೆ ಶರಣಾದ ಜಮೀರ್ ಅಹಮದ್ ಖಾನ್ ಅವರು ಖುದ್ದು ಮಾರುತಿಗೆ ಹೂವಿನ ಹಾರ ಹಾಕಿ ಸನ್ಮಾನ ಮಾಡಿ ಗೌರವಿಸಿದರು.
ಇದೇ ಸಂದರ್ಭದಲ್ಲಿ ಜಮೀರ್ ಅಹಮದ್ ಖಾನ್ ಅವರು ಸಚಿವರಾದರೆ ತಿರುಪತಿ ಗೆ ತೆರಳಿ ಮುಡಿ ಕೊಡುವುದಾಗಿ ಹರಕೆ ಹೊತ್ತಿದ್ದ ಸುರಪುರದ ದಸ್ತಗೀರ್ ಸಾಬ್ ಎಂಬ ಯುವಕ ರಕ್ತದಲ್ಲಿ ಶುಭಾಶಯ ಕೋರಿದ ಪತ್ರ ಅರ್ಪಿಸಿದರು.
ದಸ್ತಗೀರ್ ಅವರಿಗೆ ಸಚಿವರು ಪ್ರೀತಿಯಿಂದ ಸಿಹಿ ತಿನ್ನಿಸಿ ಬೀಳ್ಕೊಟ್ಟರು.