ಬೈಕ್,ಬಸ್ ನಡುವಿನ ಭೀಕರ ಅಪಘಾತ ಸ್ಥಳದಲ್ಲೇ ಯುವಕ ಸಾವು

ಸುದ್ದಿಮೂಲ ವಾರ್ತೆ

ಕುಷ್ಟಗಿ, ಮೇ. 17: ಕುಷ್ಟಗಿ ಪಟ್ಟಣದ ಯುವಕನೊಬ್ಬ ರಸ್ತೆ ಅಪಘಾತದಲ್ಲಿ ಮೃತಪಟ್ಟ ಘಟನೆ ಪಕ್ಕದ ಗದಗ ಜಿಲ್ಲೆಯ ಗಜೇಂದ್ರಗಡದಲ್ಲಿ ಮಂಗಳವಾರ ಸಂಜೆ ಸಂಭವಿಸಿದೆ.

ಪಟ್ಟಣದ ನಿವಾಸಿಯಾದ ತಾಲೂಕಿನ ಹನುಮಸಾಗರ ಹೋಬಳಿಯ ನಾಡ ತಹಸೀಲ್ದಾರ್ ರೇಣುಕಾ ಅವರ ಪುತ್ರನಾದ ಸುಮಾರು 22 ವಯಸ್ಸಿನ ಶಶಿಕಾಂತ ಎಂಬ ಯುವಕ ಮೃತಪಟ್ಟ ದುರ್ದೈವಿ ಎಂದು ಗುರುತಿಸಲಾಗಿದೆ.

ಹವ್ಯಾಸಿ ನೃತ್ಯಪಟು ಆಗಿದ್ದ ಶಶಿಕಾಂತ, ಸಂಬಂಧಿಕರ ಭೇಟೆಗೆ ಬೈಕ್’ನೊಂದಿಗೆ ಪಕ್ಕದ ತಾಲೂಕು ಗಜೇಂದ್ರಗಡ ಮಾರ್ಗವಾಗಿ ಗದಗ ಕಡೆಗೆ ಪ್ರಯಾಣಿಸುತ್ತಿರುವಾಗ ಡಿಪೋ ಬಳಿ ಬಸ್ ಹಾಗೂ ಬೈಕ್ ನಡುವೆ ಸಂಭವಿಸಿದ ಅಪಘಾತದಲ್ಲಿ ಸಾವಿಗೀಡಾಗಿದ್ದಾನೆ ತಿಳಿದುಬಂದಿದೆ.