ಸುದ್ದಿಮೂಲವಾರ್ತೆ
ಕೊಪ್ಪಳ ಜು 18:ಯಾವುದೊ ಸಂದರ್ಭದಲ್ಲಿ ಮೊಬೈಲ್ ಕಳೆದುಕೊಂಡು ಪೇಚಾಡುವವರೆ ಹೆಚ್ಚು. ಆದರೆ ಇನ್ನೂ ಮೇಲೆ ಮೊಬೈಲ್ ಕಳೆದುಕೊಂಡವರಿಗೆ ಈಗ ಮತ್ತೆ ಮೊಬೈಲ್ ಪಡೆಯಬಹುದು ಎನ್ನುತ್ತಾರೆ ಕೊಪ್ಪಳ ಜಿಲ್ಲಾ ಪೊಲೀಸರು.
ಮೊಬೈಲ್ ಕಳೆದುಕೊಂಡವರು ಸಿಇಐಆರ್ ಪೋರ್ಟಲ ಮೂಲಕ ಕಳೆದ ಮೊಬೈಲ್ ಪತ್ತೆ ಮಾಡಬಹುದು. ಇತ್ತೀಚಿಗೆ ಮೊಬೈಲ್ ಗಳನ್ನು ಸಿ.ಇ.ಐ.ಆರ್‌ (CEIR) ಪೋರ್ಟಲ್‌ ಮೂಲಕ ಪತ್ತೆ ಮಾಡಲಾಗಿದೆ.
ಇಂದು ಒಟ್ಟು 22 ಮೊಬೈಲ್ ಪತ್ತೆ ಮಾಡಿದ್ದು ಅವುಗಳ ಮೌಲ್ಯ ಸುಮಾರು
4,01,000 ರೂಪಾಯಿಯಾಗಿದೆ.ಪತ್ತೆ ಹಚ್ಚಿದ ಮೊಬೈಲ್ ಗಳನ್ನು ಇಂದು ವಾರಸುದಾರರಿಗೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಹಿಂದಿರಿಗಿಸಿದರು.
ಮೊಬೈಲ್ ಕಳೆದುಕೊಂಡರೆ ಕೂಡಲೇ https://www.ceir.gov.in ಪೋರ್ಟಲ್‌ಗೆ ತಮ್ಮ ದೂರನ್ನು ನೋಂದಾಯಿಸುವಂತೆ ಜನರಿಗೆ ತಿಳಿಸಿದ್ದಾರೆ.