ಸುದ್ದಿಮೂಲ ವಾರ್ತೆ
ಹೊಸಕೋಟೆ, ಜು 23 : ಇಲ್ಲಿನ ಸುಜಾತ ವೈನ್ಸ್‌ ಶಾಪ್ ಸಮೀಪದ ಹುಣಸೆ ಮರದ ಬಳಿ ಹಣಕಾಸಿನ ವಿಚಾರಕ್ಕೆ ಬಸವರಾಜು ಎಂಬಾತ ಲಾಂಗ್‌ನಿಂದ ನಂಜೇಗೌಡ ಎಂಬಾತನ ಮೇಲೆ ಮಾರಾಣಾಂತಿಕವಾಗಿ ಹಲ್ಲೆ ನಡೆಸಿದ್ದಾನೆ.
ತೀವ್ರ ಗಾಯಗೊಂಡಿರುವ ನಂಜೇಗೌಡ ಎಂಬಿಜೆ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ದಾಖಲಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಹುಣಸೆ ಮರದ ಬಳಿ ಶುಕ್ರವಾರ ರಾತ್ರಿ ನಿಂತಿದ್ದಾಗ ಕಾರಿನಲ್ಲಿ ಬಂದ ಬಸವರಾಜು ಕಾರಿನಿಂದ ಇಳಿದು ಕೈಯಲ್ಲಿ ಲಾಂಗ್ ಹಿಡಿದುಕೊಂಡು ಬಂದು ಏಕಾಏಕಿ ತಲೆಗೆ ಹೊಡೆದಿದ್ದಾನೆ. ಕತ್ತಲೆಯಲ್ಲಿ ರಕ್ತಸ್ರಾವವಾಗಿದೆ.
ಮತ್ತೊಮ್ಮೆ ಲಾಂಗ್ ಬೀಸಲು ಮುಂದಾದಾಗ ನಾನು ತಪ್ಪಿಸಿಕೊಂಡು ಕೈ ಅಡ್ಡ ಇಟ್ಟೆ. ಆಗ ಬಲ ಮುಂಗೈ ಮೂಳೆ ಮುರಿದಿದೆ. ಜೀವ ಭಯದಿಂದ ತಪ್ಪಿಸಿಕೊಂಡು ಓಡಿ ಹೋದೆ. ಕೊಲೆ ಮಾಡುವ ಉದ್ದೇಶದಿಂದ ಈ ಕೃತ್ಯ ಎಸೆಗಿರುವ ಬಸವರಾಜು ಮೇಲೆ ಕ್ರಮ ಕೈಗೊಳ್ಳಬೇಕು. ನಂಜೇಗೌಡ ಅವರು ಸೂಲಿಬೆಲೆ ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ತಿಳಿಸಿದ್ದಾರೆ. ಆರೋಪಿಯನ್ನು ಬಂಧಿಸಿರುವ ಪೋಲಿಸರು ತನಿಖೆ ಕೈಗೊಂಡಿದ್ದಾರೆ .