ಸುದ್ದಿ ಮೂಲ ವಾರ್ತೆ
ಹೊಸಕೋಟೆ,ಆ. 13 : ತಾಲೂಕಿನ ದೊಡ್ಡಗಟಕನಬ್ಬೆ ಗ್ರಾಮ ಪಂಚಾಯತಿಗೆ ನೂತನ ಅಧ್ಯಕ್ಷರಾಗಿ ಸುರೇಶ್ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ. ಉಪಾಧ್ಯಕ್ಷ ಸ್ಥಾನಕ್ಕೆ ರೂಪಾ ಕಣ್ಣೂರಹಳ್ಳಿ ಉಪಾಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ ಎಂದು ಚುನಾವಣಾಧಿಕಾರಿ ಪದ್ಮನಾಬ್ ತಿಳಿಸಿದರು.
ಚುನಾವಣೆಯಲ್ಲಿ ರೂಪ ಅವರು ಮುನಿವೆಂಕಟಮ್ಮ ಅವರಿಗಿಂತ 3 ಮತಗಳನ್ನು ಹೆಚ್ಚಾಗಿ ಪಡೆದ ಹಿನ್ನೆಲೆ ಉಪಾಧ್ಯಕ್ಷರಾಗಿ ಆಯ್ಕೆಯಾದರು. ನೂತನ ಅಧ್ಯಕ್ಷ ಸುರೇಶ್ ಮಾತನಾಡಿ, ಗ್ರಾಪಂ ವ್ಯಾಪ್ತಿಗೆ ಅಗತ್ಯವಾದ ಅನುದಾನ ತಂದು ಮೂಲಭೂತ ಸೌಕರ್ಯಗಳ ಅಭಿವೃದ್ದಿಗೆ ಶ್ರಮಿಸುವುದಾಗಿ ತಿಳಿಸಿದರು.
ಈ ಸಂದರ್ಭದಲ್ಲಿ ಗ್ರಾಮ ಪಂ ಮಾಜಿ ಅಧ್ಯಕ್ಷೆ ಮಮತಾ
ರಾಮಚಂದ್ರಪ್ಪ, ಸದಸ್ಯರುಗಳಾದ ರಮೇಶ್, ಮೀನಾ ಮುನಿರಾಮಯ್ಯ, ಗಗನಾ ಚಂದ್ರೇಗೌಡ, ಮಂಜುನಾಥ್, ಸಿಬಿ ಸ್ವಾಮಿ, ಶೈಲ ರಾಜಣ್ಣ, ಕೆಪಿಸಿಸಿ ಹಿಂದುಳಿದ ವರ್ಗ ವಿಭಾಗದ.
ಕಾರ್ಯದರ್ಶಿ ಹರೀಶ್ ಚಕ್ರವರ್ತಿ, ಪೂಜೇನ ಅಗ್ರಹಾರ ಡೈರಿ ಅಧ್ಯಕ್ಷ ಕೃಷ್ಣಮೂರ್ತಿ, ಮುಖಂಡರಾದ ಡಾ. ಎಚ್.ಎಂ.ಸುಬ್ಬರಾಜ್, ನಾರಾಯಣಗೌಡ, ಸುನೀಲ್ ಮೊದಲಾದವರು ಹಾಜರಿದ್ದರು.