ರೈತರ ಕಷ್ಟ ನೀಗಿಸಲು ಕುಮಾರಸ್ವಾಮಿ ಅವರಿಂದ ಮಾತ್ರ ಸಾದ್ಯ: ಡಾ ಆಂಜಿನಪ್ಪ

ಸುದ್ದಿಮೂಲ ವಾರ್ತೆ

ದೇವನಹಳ್ಳಿ, ಮಾ.30: ಎಚ್ ಡಿ ಕುಮಾರಸ್ವಾಮಿ ಅವರ ಆಡಳಿತವನ್ನು ಜನ ಈಗಾಗಲೇ ನೋಡಿದ್ದಾರೆ. ರೈತರ ಸಾಲಮನ್ನಾ ಸಹಿತ ಬಡಕುಟುಂಬಳಿಗೆ ಹಲವು ಯೋಜನೆಗಳನ್ನು ರೂಪಿಸಿ ಸಹಾಯ ಮಾಡಿದ್ದಾರೆ. ರೈತರ ಕಷ್ಟ ನೀಗಿಸುವುದು ಅವರಿಂದ ಮಾತ್ರ ಸಾಧ್ಯ ಎಂದು ಡಾ.ಆಂಜಿನಪ್ಪ ಹೇಳಿದರು.

ಕಳೆದ ನಾಲ್ಕು ತಿಂಗಳಿನಿಂದ ಮಾಜಿ ಮುಖ್ಯಮಂತ್ರಿ ಎಚ್ ಡಿ ಕುಮಾರಸ್ವಾಮಿ ಅವರ ನೇತೃತ್ವದಲ್ಲಿ ನಡೆದ ಪಂಚರತ್ನ ಯಾತ್ರೆ ಕಾರ್ಯಕ್ರಮದ ಸಮಾರಂಭ ಸಮಾರೋಪ ಕಾರ್ಯಕ್ರಮದಲ್ಲಿ ಹಾಜರಿದ್ದ ಸಮಯದಲ್ಲಿ ಬೂದಿಗೆರೆ ಗ್ರಾಮದ ಜೆಡಿಎಸ್ ಪಕ್ಷದ ಮುಖಂಡರುಗಳ ಜೊತೆ ಚರ್ಚೆ ನಡೆಸಿದ ಸಂದರ್ಭದಲ್ಲಿ ಅವರು ಮಾತನಡಿದರು.

ಎಚ್ ಡಿ ಕುಮಾರಸ್ವಾಮಿ ಅವರು ಮುಖ್ಯಮಂತ್ರಿಯಾದ ಸಂದರ್ಭದಲ್ಲಿ ಜನತೆಯ ನೋವು ನಲಿವಿಗೆ ಆಸರೆಯಾಗಿ ನಿಂತಿದ್ದರು. ಅವರು ಕೆಲವೇ ವರ್ಷ ಆಡಳಿತ ನಡೆಸಿದರೂ ಸಾಕಷ್ಟು ಪ್ರಮಾಣದಲ್ಲಿ ಜನತೆಗೆ ಉಪಯೋಗವಾಗಿದೆ. ಅವರು ಪೂರ್ತಿಯಾಗಿ 5 ವರ್ಷಗಳ ಕಾಲ ಆಡಳಿತ ನಡೆಸಿದ್ದೆ ಆದರ ರಾಜ್ಯ ಮೂಲೆ ಮೂಲೆಗಳಲ್ಲಿ ಅಭಿವೃದ್ಧಿಯಾಗುವುದರಲ್ಲಿ ಸಂದೇಹವಿಲ್ಲ. ಆದ್ದರಿಂದ ಒಮ್ಮೆ ಎಚ್ ಡಿ ಕುಮಾರಸ್ವಾಮಿ ಅವರಿಗೆ ಈ ಅವಕಾಶವನ್ನು ಮಾಡಿಕೊಡಿ ಎಂದರು.

ಇದೇ ಸಂದರ್ಭದಲ್ಲಿ ಬೂದಿಗೆರೆ ಗ್ರಾಮದ ಜೆಡಿಎಸ್ ಪಕ್ಷದ ಮುಖಂಡರಾದ ಜೆಡಿಎಸ್ ರಾಜ್ಯ ಕಾರ್ಯಕಾರಣಿ ಸದಸ್ಯ ಎಮ್.ಎಸ್ ಶ್ರೀನಾಥ್ ಗೌಡ, ನಾರಾಯಣಸ್ವಾಮಿ (ಕೋಟಿ), ಆನಂದ ಕುಮಾರ್, ರಾಮಾಂಜಿನಯ್ಯ ದಾಸ್, ಎಸ್ ಟಿ ಡಿ ರಮೇಶ್, ಮಹೇಂದ್ರ ಕುಮಾರ್, ಹನುಮಂತಪ್ಪ, ಟಿಪ್ಪು, ಸುರೇಶ್ ಸ್ವಾಮಿ, ಅಪ್ಪಿ, ಇನ್ನೂ ಮುಂತಾದ ಜೆಡಿಎಸ್ ಕಾರ್ಯಕರ್ತರು ಭಾಗಿಯಾಗಿದ್ದರು.