ಕೆಂಪೇಗೌಡ ಜಯಂತಿ ಪ್ರಚಾರದ ಬೆಳ್ಳಿ ರಥಕ್ಕೆ ಚಾಲನೆ

ಸುದ್ದಿಮೂಲ ವಾರ್ತೆ

ಮೈಸೂರು, ಜೂ.22: ನಗರದ ಕೋಟೆ ಆಂಜನೇಯಸ್ವಾಮಿ ದೇವಸ್ಥಾನದ ಮುಂಭಾಗ ಬುಧವಾರ ನಾಡಪ್ರಭು ಕೆಂಪೇಗೌಡರ 514ನೇ ಜಯಂತಿಯ ಆಚರಣೆಯ ಪ್ರಚಾರ ಬೆಳ್ಳಿ ರಥಕ್ಕೆ ಚಾಲನೆ ನೀಡಲಾಯಿತು.

ಅಖಿಲ ಕರ್ನಾಟಕ ಒಕ್ಕಲಿಗರ ಸಂಘದ ಜಂಟಿ ಕಾರ್ಯದರ್ಶಿ ಜಿ ಗಂಗಾಧರ್ ಗೌಡ ರವರ ನೇತೃತ್ವದಲ್ಲಿ ಆದಿಚುಂಚನಗಿರಿ ಮೈಸೂರು ಶಾಖಾ ಮಠದ ಶ್ರೀ ಶ್ರೀ ಸೋಮೇಶ್ವರನಾಥ ಸ್ವಾಮೀಜಿ ಸಾನಿಧ್ಯದೊಂದಿಗೆ ಚಾಲನೆ ದೊರೆಯಿತು.

ಶ್ರೀ ಸೋಮೇಶ್ವರನಾಥ ಸ್ವಾಮಿಜಿ ಹಾಗೂ ಶಾಸಕ ಕೆ. ಹರೀಶ್ ಗೌಡ, ಶೇಖರ್, ಮಂಜುನಾಥ್, ವಾಸುದೇವ್, ಕರ್ನಾಟಕ ರಕ್ಷಣಾ ವೇದಿಕೆಯ ಅಧ್ಯಕ್ಷದ ಮೋಹನ್ ಗೌಡರು, ಒಕ್ಕಲಿಗ ಸಂಘದ ನಿರ್ದೇಶಕರಾದ ದಾಸರಕೊಪ್ಪಲು ಜಯರಾಂ, ಗಿರೀಶ್ ,ರವಿ ರಾಜಕೀಯ, ಹಾಲು ಒಕ್ಕೂಟದ ಮಾಜಿ ಅಧ್ಯಕ್ಷ ಕೆ. ಉಮಾಶಂಕರ್‌ ಹಾಗೂ ದೊಡ್ಡ ಒಕ್ಕಲಗೇರಿಯ ಶಿವಕುಮಾರ್ ಗೌಡ ಹಲವರು ಉಪಸ್ಥಿತರಿದ್ದರು.