ರಾಗಿ ಹಳ್ಳಿಯಲ್ಲಿ ಆನೆ ದಾಳಿ – ಅಪಾರ ನಷ್ಟ

ಸುದ್ದಿಮೂಲ ವಾರ್ತೆ

ಆನೇಕಲ್‌, ಜು 7 : ರಾಗಿಹಳ್ಳಿ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಜೈಪುರ ದೊಡ್ಡಿಯಲ್ಲಿ ತಡರಾತ್ರಿ ಎನ್‌.ಎ ಶೆಟ್ಟಿ ಎಂಬುವರಿಗೆ ಸಂಬಂಧಪಟ್ಟ ಐದು ಎಕರೆ ಜಮೀನಿನಲ್ಲಿ ಕಾಡಾನೆಗಳು ದಾಳಿ ನಡೆಸಿದೆ.

15 ವರ್ಷಗಳಿಂದ ಬೆಳೆಸಿದ್ದ ವಿವಿಧ ಬಗೆಯ ಹಣ್ಣುಗಳ ಮರಗಳಾದ ಮಾವಿನ ಮರ, ತೆಂಗಿನ ಮರ, ನೋನಿ ಹಣ್ಣು, ಬಟರ್ ಫ್ರೂಟ್, ಬಾಳೆಹಣ್ಣು ಇನ್ನು ಹತ್ತು ಹಲವರು ಬಗೆಯ ಸಸ್ಯಗಳನ್ನು ಒಳಗೊಂಡಂತೆ ಸಾವಿರಾರು ರೂಪಾಯಿಯ ಬೆಳೆಯನ್ನು ಕಾಡಾನೆಗಳು ನಾಶ ಮಾಡಿವೆ.

ಇನ್ನು ಈ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಅರಣ್ಯ ಇಲಾಖೆಗೆ ದೂರು ಕೊಟ್ಟಿದ್ದರೂ ಸಹ ಯಾರು ಇದರ ಬಗ್ಗೆ ಇನ್ನೂ ಯಾವುದೇ ರೀತಿಯ ಕ್ರಮವನ್ನು ಕೈಗೊಂಡಿಲ್ಲ ಎಂದು ರೈತರು ತಮ್ಮ ಅಳಲನ್ನು ತೋಡಿಕೊಂಡಿದ್ದಾರೆ.