ಕರಡಿಗಳ ದಾಳಿ ರೈತನಿಗೆ ಗಂಭೀರ ಗಾಯ

ಸುದ್ದಿಮೂಲವಾರ್ತೆ

ಕೊಪ್ಪಳ ಆ 03: ಕೊಪ್ಪಳ ತಾಲೂಕಿನ ಇಂದರಗಿಯಲ್ಲಿ ಹೊಲಕ್ಕೆ ಹೋಗಿದ್ದ ರೈತನ ಮೇಲೆ ಕರಡಿಗಳು ದಾಳಿ ಮಾಡಿದ ಘಟನೆ ವರದಿಯಾಗಿದೆ.

ನಿನ್ನೆ ರಾತ್ರಿ ವೇಳೆ ಕೊಪ್ಪಳ ತಾಲೂಕಿನ ಇಂದರಗಿ ಗ್ರಾಮದ ಹನುಮಂತಪ್ಪ ಕುರಿ ಎಂಬುವವರ ಮೇಲೆ ಕರಡಿಗಳು ದಾಳಿ ಮಾಡಿವೆ. ಕರಡಿಗಳ ದಾಳಿಯಿಂದ ಹನುಮಂತಪ್ಪನಿಗೆ ಮಾರಣಾಂತಿಕ ಗಾಯವಾಗಿವೆ.

ಹನುಮಂತಪ್ಪನಿಗೆ ಈಗ ಜಿಲ್ಲಾಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ರಾತ್ರಿ ವೇಳೆ ಎರಡು ಮರಿಗಳೊಂದಿಗೆ ಕರಡಿ ದಾಳಿ ಮಾಡಿವೆ.

ದಾಳಿಗೊಳಗಾದ ದಾಖಲಾಗಿರುವ ಜಿಲ್ಲಾಸ್ಪತ್ರೆಗೆ ವಿಧಾನ ಪರಿಷತ್ ಮಾಜಿ ಸದಸ್ಯ ಕರಿಯಣ್ಣ ಸಂಗಟಿ. ಅರಣ್ಯ ಇಲಾಖೆಯ ಅಧಿಕಾರಿಗಳು ಭೇಟಿ ನೀಡಿದ್ದಾರೆ.

ಈ ಭಾಗದಲ್ಲಿ ಆಗಾಗ ಕರಡಿಗಳು ದಾಳಿ ಮಾಡುತ್ತಿವೆ ಹೊಲಕ್ಕೆ ಹೋದ ರೈತರ ಮೇಲೆ ದಾಳಿ ಮಾಡುತ್ತವೆ. ಈ ಕುರಿತು ಅರಣ್ಯ ಇಲಾಖೆಯವರು ಕ್ರಮ ಕೈಗೊಳ್ಳಲು ರೈತರ ಆಗ್ರಹಿಸಿದ್ದಾರೆ.