ಕೊಳೆತ ಸ್ಥಿತಿಯಲ್ಲಿ ಕಾಡಾನೆ ಪತ್ತೆ

ಆನೇಕಲ್,ಅ.4: ಹೃದಯಾಘಾತದಿಂದ ಕಾಡಾನೆ ಹಾಗೂ ನೀರಿಲ್ಲದೆ ಕಾಡೆಮ್ಮೆ ಸಾವನ್ನಪ್ಪಿದ್ದು, ಕೊಳೆತ ಸ್ಥಿತಿಯಲ್ಲಿ ಪತ್ತೆಯಾಗಿದೆ.

ತಮಿಳುನಾಡು ಕೃಷ್ಣಗಿರಿ ಜಿಲ್ಲೆಯ ಹೊಸೂರು ಸಮೀಪದ ಅಂಚಟ್ಟಿ ಕಾಡು ಪ್ರದೇಶದಲ್ಲಿ ಮೃತಪಟ್ಟಿರುವ ಪ್ರಾಣಿಗಳು ಪತ್ತೆಯಾಗಿವೆ. 30 ವರ್ಷದ ಹೆಣ್ಣು ಕಾಡಾನೆ,  20 ವರ್ಷದ ಕಾಡೆಮ್ಮೆ ಸಾವನ್ನಪ್ಪಿವೆ. ಮಾಹಿತಿ ಪಡೆದ  ಅರಣ್ಯ ಅಧಿಕಾರಿಗಳು  ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

ಡಾ.ಪ್ರಕಾಶ್ ನೇತೃತ್ವದಲ್ಲಿ ಮರಣೋತ್ತರ ಪರೀಕ್ಷೆ ನಡೆಸಿ ಬಳಿಕ  ಕಾಲುಗಳು ನಿಷ್ಕ್ರಿಯಗೊಂಡು ಕೆಳಗೆ ಬಿದ್ದಿದೆ. ನಂತರ ಆನೆ ಹೃದಯಘಾತದಿಂದ ಸಾವನ್ನಪ್ಪಿದೆ ಎಂದು ತಿಳಿಸಿದ್ದಾರೆ.

 ಮೃತ ಕಾಡಾನೆಯನ್ನು ಅರಣ್ಯ ಪ್ರದೇಶದಲ್ಲಿ ಅಂತ ಸಂಸ್ಕಾರ ಮಾಡಲಾಯಿತು.

ಇದೇ ವೇಳೆ, ಜವಳಗೇರಿ ಸಮೀಪ ಕಾಡೆಮ್ಮೆಗೆ ನೀರಿಲ್ಲದೆ ಮೃತಪಟ್ಟಿದೆ ಎಂದು ತಿಳಿಸಿದರು.