ಸುದ್ದಿಮೂಲವಾರ್ತೆ
ಕೊಪ್ಪಳ ಆ 16:ಕೊಪ್ಪಳ ನಗರದಲ್ಲಿ ಕಳ್ಳತನ ಪ್ರಕರಣಗಳು ಹೆಚ್ಚುತ್ತಿವೆ ನಗರದ ಬಸ್ ಸ್ಟಾಂಡ್ ಮುಂದೆ ಇರುವ ವರ್ಣೇಕರ್ ಕಾಂಪ್ಲೆಕ್ಸ್ ಹಿಂಭಾಗದ ಏರಿಯಾದಲ್ಲಿ ಎರಡು ಮನೆಯಲ್ಲಿ ಅಗಸ್ಟ್ 14 ರಂದು ಕಳ್ಳತನ ನಡೆದಿದ್ದು ಒಟ್ಟು 5 ತೊಲೆ ಬಂಗಾರ ಕಳ್ಳತನ ಆಗಿದೆ.
ರೇಷ್ಮಾ ಎಂಬುವವರ ಮನೆಯಲ್ಲಿ 5 ಗ್ರಾಂ ಬಂಗಾರ ಹಾಗೂ ರಂಜಾನಬಿ ಎಂಬುವವರು ಮನೆಯಲ್ಲಿ 4.5 ತೊಲೆ ಎರಡೂ ಮನೆಗಳ ಒಟ್ಟು 5 ತೊಲೆ ಬಂಗಾರ ಕಳ್ಳತನ ಆಗಿದೆ.
ಸೋಮವಾರ ಮಧ್ಯರಾತ್ರಿ 12.58 ರ ಸುಮಾರಿಗೆ ಈ ಕಳ್ಳತನ ನಡೆದಿದೆ. ಕಳ್ಳನ ಚಲನವಲನ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು ತಕ್ಕ ಮಟ್ಟಿಗೆ ಕಳ್ಳನ ಮುಖ ಸಿಸಿ ಕ್ಯಾಮರಾದಲ್ಲಿ ದಾಖಲಾಗಿದೆ. ಈ ಕಳ್ಳತನ ಪ್ರಕರಣದಿಂದ ಈ ಏರಿಯಾದ ಜನತೆ ಭಯಗೊಂಡಿದ್ದಾರೆ.
ಕಳೆದ ಎರಡು ತಿಂಗಳಿನಲ್ಲಿ ಕೊಪ್ಪಳ ನಗರದಲ್ಲಿ ಅತಿ ಹೆಚ್ಚು ಕಳ್ಳತನದ ಮಾಹಿತಿ ಬರುತ್ತಿದ್ದು ಕಳ್ಳತನ ನಡೆಯುತ್ತಿದ್ದರೂ ಪೊಲೀಸರು ಎಚ್ಚೆತ್ತುಕೊಳ್ಳುತ್ತಿಲ್ಲ ಎಂದು ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.