ಸುದ್ದಿಮೂಲವಾರ್ತೆ
ಗಂಗಾವತಿ,ಏ.೧೦- ತಾಲೂಕಿನ ಚಿಕ್ಕಜಂತಗಲ್ ಚೆಕ್ ಪೊಸ್ಟ್ಗೆ ತಾ.ಪಂ. ಇಒ ಮಹಾಂತಗೌಡ ಪಾಟೀಲ್ ಸೋಮವಾರ ಭೇಟಿ ನೀಡಿ ವಾಹನಗಳ ತಪಾಸಣೆ ನಡೆಸಿದರು.
ಈ ರಸ್ತೆ ಮಾರ್ಗವಾಗಿ ಬಂದ ಕಾರ್, ಟಾಟಾಏಸ್ , ಬೈಕ್ ಪರಿಶೀಲಿಸಿ, ನಂತರ ಬಸ್ ನಲ್ಲಿನ ಪ್ರಯಾಣಿಕರ ಬ್ಯಾಗ್ ಗಳನ್ನು ಪರಿಶೀಲನೆ ಮಾಡಿದರು.
ಚೆಕ್ ಪೊಸ್ಟ್ ಸಿಬ್ಬಂದಿಗಳು ಸರಿಯಾಗಿ ವಾಹನ ತಪಾಸಣೆ ನಡೆಸಬೇಕು. ದಾಖಲೆಗಳಿಲ್ಲದೇ ನಗದು, ಚಿನ್ನಾಭರಣ, ಸಾಮಾಗ್ರಿಗಳ ಸಾಗಾಣೆ ಪರಿಶೀಲಿಸಬೇಕು. ಎಲ್ಲ ವಾಹನಗಳ ತಪಾಷಣೆ ನಡೆಸುವಂತೆ ಚೆಕ್ ಪೋಸ್ಟ್ ಸಿಬ್ಬಂದಿಗೆ ತಿಳಿಸಿದರು.
ಗ್ರಾ.ಪಂ. ಅಭಿವೃದ್ಧಿ ಅಧಿಕಾರಿ ಮಲ್ಲಿಕಾರ್ಜುನ ಕಡಿವಾಳ, ಚೆಕ್ ಪೊಸ್ಟ್ ಸೆಕ್ಟರ್ ಅಧಿಕಾರಿಗಳಾದ ಕಿರಣ್ ಕುಮಾರ್, ಇಸಿ ಸಂಯೋಜಕರಾದ ಬಾಳಪ್ಪ ತಾಳಕೇರಿ, ತಾಂತ್ರಿಕ ಸಹಾಯಕರಾದ ಅಮರನಾಥ, ಗ್ರಾಪಂ ಸಿಬ್ಬಂದಿಗಳಾದ ಆನಂದ, ಪೊಲೀಸ್ ಇಲಾಖೆ ಸಿಬ್ಬಂದಿಗಳಾದ ಮಂಜುನಾಥ, ದುರಗಪ್ಪ ಇದ್ದರು.