ಮಾರ್ಚ್ 17ಕ್ಕೆ ಜೇವರ್ಗಿ ಯುಗಾದಿ ಉತ್ಸವ : ಶಿವಲಿಂಗ ಹಳ್ಳಿ
ಜೇವರ್ಗಿ : ಪಟ್ಟಣದ ಎಪಿಎಂಸಿ ಆವರಣದಲ್ಲಿ ನಮ್ಮ ಕರ್ನಾಟಕ ಸೈನ್ಯ ಸಂಘಟನೆ ವತಿಯಿಂದ ಜೇವರ್ಗಿ ಯುಗಾದಿ ಉತ್ಸವ ಮಾರ್ಚ್17 ರಂದು ಸಾಯಂಕಾಲ 6 ಗಂಟೆಗೆ ಜರಗುವುದು ಎಂದು ನಮ್ಮ ಕರ್ನಾಟಕ ಸೈನ್ಯದ ಅಧ್ಯಕ್ಷರಾದ ಶಿವಲಿಂಗ ಹಳ್ಳಿ ತಿಳಿಸಿದ್ದಾರೆ.
ಈ ಕಾರ್ಯಕ್ರಮದಲ್ಲಿ ಡಾ. ಶಿವಾನಂದ ಮಹಾಸ್ವಾಮಿಗಳು ಸೋನ್ನ, ಸಿದ್ದಲಿಂಗ ಮಹಾಸ್ವಾಮಿಗಳು ನೆಲೋಗಿ, ಆಲಮೇಲದ ಚಂದ್ರಶೇಖರ್ ಶಿವಾಚಾರ್ಯರು, ಬಸವಪಟ್ಟಣದ ಮರೇಪ್ಪ ಮುತ್ಯಾ , ಮಲ್ಲಿಕಾರ್ಜುನ್ ಮುತ್ಯಾ ಸಾನಿಧ್ಯ ವಹಿಸುವರು.
ಶಾಸಕ ಡಾ.ಅಜಯ್ ಸಿಂಗ್, ಮಾಜಿ ಶಾಸಕ ದೊಡ್ಡಪ್ಪಗೌಡ ಪಾಟೀಲ್ ನರಿಬೋಳ ಜಂಟಿಯಾಗಿ ಕಾರ್ಯಕ್ರಮ ಉದ್ಘಾಟಿಸುವರು. ಧರ್ಮಣ್ಣ ದೊಡ್ಮನಿ, ಶಿವರಾಜ್ ಪಾಟೀಲ್ ರೇದ್ದೆವಾಡಗಿ, ರೇವಣಸಿದ್ದಪ್ಪ ಸಂಕಲಿ, ದಂಡಪ್ಪ ಸಾಹು ಕುಳಗೇರಿ ಜ್ಯೋತಿ ಬೆಳಗಿಸುವರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಬಸವರಾಜ್ ಪಡ್ಕೋಟಿ ವಹಿಸುವರು. ಲಲ್ಲೇಶ್ ರೆಡ್ಡಿ ರಾಜಶೇಖರ್ ಸಿರಿ ಧ್ವಜಾರೋಡ ನೆರವೇರಿಸುವರು.
ವಿವಿಧ ಕ್ಷೇತ್ರಗಳು ಸಾಧನೆ ಮಾಡಿದ ಐದು ಜನರಿಗೆ ಸೇವಾ ರತ್ನ ಪ್ರಶಸ್ತಿ ನೀಡಿ ಗೌರವಿಸಲಾಗುವುದು. ಕಾರ್ಯಕ್ರಮದಲ್ಲಿ ನಟಿ ಪ್ರೇಮ ಹಾಗೂ ಸುನಿಲ್ ನೇಲೋಗಿ ಆಗಮಿಸಲಿದ್ದಾರೆ ಎಂದು ತಿಳಿಸಿದರು. ಆದಕಾರಣ ಜೇವರ್ಗಿ ಮತ್ತು ಯಡ್ರಮಿ ತಾಲೂಕಿನ ಕಲಾ ಪ್ರೇಮಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ ಕಾರ್ಯಕ್ರಮ ಯಶಸ್ವಿಗೊಳಿಸಬೇಕು ಎಂದು ಪತ್ರಿಕಾಗೋಷ್ಠಿ ಮೂಲಕ ಶಿವಲಿಂಗ ಹಳ್ಳಿ ಮನವಿ ಮಾಡಿಕೊಂಡಿದ್ದಾರೆ.