ಪತ್ರಕರ್ತರು ಸತ್ಯದ ಕಡೆ ಇರುತ್ತಾರೆ:ಬಾಚಲಾಪುರ

ಸುದ್ದಿಮೂಲವಾರ್ತೆ

ಕೊಪ್ಪಳ ಜು 28: ಒಬ್ಬ ಪತ್ರಕರ್ತ ನಿತ್ಯದ ಕಡೆ ತುಡಿಯುತ್ತಿದ್ದಾರೆ. ಇಂದಿನ ಅವಸರದ ಮಧ್ಯೆ ಪತ್ರಕರ್ತರ ಸಾಕಷ್ಟು ಮಾಹಿತಿ ನೀಡುವ ಕೆಲಸ ಮಾಡುತ್ತಿದ್ದಾರೆ ಎಂದು ಪತ್ರಕರ್ತ ಶರಣಪ್ಪ ಬಾಚಲಾಪುರ ಹೇಳಿದರು.

ಅವರು ಇಂದು ಕೊಪ್ಪಳದಲ್ಲಿ ವೀರಶೈವ ಪಂಚಮಸಾಲಿ‌‌ ಮಹಿಳಾ ಸಂಘದಿಂದ ಆಯೋಜಿಸಿದ್ದ ಪತ್ರಿಕಾ ದಿನಾಚರಣೆಯನ್ನು ಉದ್ಘಾಟಿಸಿ ಮಾತನಾಡಿದರು. ಮಹಿಳೆಯರು ಸಂಘಟಿತರಾಗಿ ಸಮಾಜಕ್ಕೆ ಒಳ್ಳೆಯ ಕೆಲಸ ಮಾಡಬೇಕೆಂದು ಹೇಳಿದರು.

ಇದೇ ಸಂದರ್ಭದಲ್ಲಿ ಮಾತ‌ನಾಡಿದ ಸಾವಿತ್ರಿ ಮುಜಮದಾರ ಇಂದು ಮಹಿಳಾ ಎಲ್ಲಾ ರಂಗದಲ್ಲಿಯೂ ಮಹಿಳೆ ಕೆಲಸ ಮಾಡುತ್ತಿದ್ದಾಳೆ. ದಿಟ್ಟ ಪತ್ರಕರ್ತೆಯಾಗಿ ಉತ್ತಮ ವರದಿ ಮಾಡುವ ಪತ್ರಕರ್ತೆಯರಿದ್ದಾರೆ ಎಂದರು.

ಈ ಸಂದರ್ಭದಲ್ಲಿ ಸಂತೋಷ ದೇಶಪಾಂಡೆ, ಶ್ರೀಕಾಂತ ಅಕ್ಕಿ. ಜಿ ಎಸ್ ಗೋನಾಳ. ರಾಜಾಸಾಬ ಮುಲ್ಲಾರ. ಅನಿಲ ಬಾಚನಹಳ್ಳಿ ಸೇರಿ ಹಲವರು ಇದ್ದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸುಮಂಗಲಾ ಹಂಚಿನಾಳ ವಹಿಸಿದ್ದರು. ಪ್ರತಿಮಾ ಪಟ್ಟಣಶೆಟ್ಟಿ ಕಾರ್ಯಕ್ರಮ ನಿರೂಪಿಸಿದರು. ಶ್ವೇತಾ ಯರಗೇರಿ ಪ್ರಸ್ತಾವಿಕವಾಗಿ ಮಾತನಾಡಿದರು.