ಕುರ್ಡಿ : ಯೋಧ ದೀಪ ನಮನ

ಸುದ್ದಿಮೂಲ ವಾರ್ತೆ ರಾಯಚೂರು, ಫೆ. 14:
ಮಾನ್ವಿ ತಾಲೂಕಿನ ಕುರ್ಡಿ ಗ್ರಾಮದಲ್ಲಿ ಪುಲ್ವಾಮಾ ದಾಳಿಯಲ್ಲಿ ಹುತಾತ್ಮರಾದ ಸೈನಿಕರ ಗೌರವಾರ್ಥ ಯೋಧ ದೀಪ ಕಾರ್ಯಕ್ರಮ ನಡೆಸಲಾಯಿತು.
ಕರ್ನಾಟಕ ದಲಿತ ಸಂಘರ್ಷ ಸಮಿತಿಯ ಪದಾಧಿಕಾರಿಗಳು ಹಾಗೂ ಯುವಕರು ಇಂದು ಪ್ರೇಮಿಗಳ ದಿನವಲ್ಲ, ದೇಶ ಪ್ರೇಮಿಗಳ ದಿನ ಪುಲ್ವಾಮಾ ದಾಳಿಯಲ್ಲಿ 40 ಜನ ಹುತಾತ್ಮರಾದ ವೀರ ಯೋಧರಿಗೆ ನಮನ ಸಲ್ಲಿಸಲು ಮುಂದಾಗಿದ್ದು ಗ್ರಾಮದಲ್ಲಿ ಗಮನ ಸೆಳೆಯಿತು.
ಗ್ರಾಮದಲ್ಲಿ ಮನೆ ಮನೆಗೆ ಯೋಧರ ಭಾವಚಿತ್ರಗಳ ಜೊತೆಗೆ ದೀಪಗಳನ್ನು ಹಿಡಿದು ಯೋಧ ದೀಪ ಕಾರ್ಯಕ್ರಮದ ಮೂಲಕ ಗೌರವ ಸಲ್ಲಿಸಲಾಯಿತು.
ಈ ಸಂದರ್ಭದಲ್ಲಿ ಎ.ನರಸಿಂಹ ಕುರ್ಡಿ, ಅನಿಲ್, ವಿನೋಧ, ತಿಪ್ಪಣ್ಣ, ಪ್ರದೀಪ್, ಹನುಮಂತ, ತಿಕ್ಕಯ್ಯ, ನರಸಪ್ಪ, ಸಂದೀಪ್, ಶಾಲೆ ವಿದ್ಯಾರ್ಥಿಗಳಿದ್ದರು.