ಸುದ್ದಿಮೂಲ ವಾರ್ತೆ
ಚಿಕ್ಕಬಳ್ಳಾಪುರ, ಮೇ18: ನವದೆಹಲಿಯಲ್ಲಿ ನಡೆದ 3ನೇ ರಾಷ್ಟ್ರೀಯ ಮಟ್ಟದ ಮಾನವ ಸಂಪನ್ಮೂಲ ಸಮ್ಮೇಳನದಲ್ಲಿ ಮುದ್ದೇನಹಳ್ಳಿಯ ಮಂಜುನಾಥ್ ಅವರಿಗೆ 2ನೇ ರಾಷ್ಟ್ರೀಯ ಪ್ರಶಸ್ತಿಯನ್ನು ನೀಡಿ ಗೌರವಿಸಿದ್ದಾರೆ.
ಇವರು ಅತ್ಯಂತ ಕಿರಿಯ ವಯಸ್ಸಿನಲ್ಲಿ ರಾಜ್ಯದ ಹೆಚ್‍ಆರ್ ಆಗಿ ಹೊರ ಹೊಮ್ಮಿದ ಗರಿ ಮುಡಿಗೇರಿಸಿಕೊಂಡ ಏಕೈಕ ವ್ಯಕ್ತಿಯಾಗಿದ್ದು ಸಾವಿರಾರು ನಿರುದ್ಯೋಗ ಪ್ರತಿಭಾವಂತ ಯುವಕ ಯುವತಿಯರಿಗೆ ಕೌಶಲ್ಯ ಆಧರಿಸಿ ಅನೇಕ ಕಂಪನಿಗಳ ಹೆಚ್‍ಆರ್ ಆಗಿ ಸೇವೆ ಸಲ್ಲಿಸಿ ಕೆಲಸವನ್ನು ಕೊಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ರಾಜ್ಯದ ಹಾಗೂ ಜಿಲ್ಲೆಯ ಎಲ್ಲಾ ಸಮಾಜ ಸಾಧಕರಿಂದ ರಾಜಕೀಯ ಮುಖಂಡರಿಂದ ಕಂಪನಿಯ ಮುಖ್ಯಸ್ಥರಿಂದ ಅನೇಕ ಸ್ವಯಂ ಸೇವಕ ಸಂಘಗಳಿಂದ ಇವರನ್ನು ಗುರುತಿಸಿ ಸನ್ಮಾನ ಪ್ರಶಸ್ತಿಗಳನ್ನು ನೀಡಿರುವುದು ಇವರ ಹೆಗ್ಗಳಿಕೆಯಾಗಿದೆ.
ಸಾಮಾಜಿಕ ಜಾಲತಾಣದಲ್ಲಿ ಇವರು ಸಾವಿರಾರು ಯುವಕರಿಗೆ ಕೆಲಸವನ್ನು ಗಿಟ್ಟಿಸಿಕೊಳ್ಳಲು ಸಹಕಾರಿಯಾದ ಇವರ ಪ್ರತಿಭೆಯನ್ನು ಗುರುತಿಸಿ ಹಿಂದಿ ವರ್ಷ ನೋಯ್ಡಾದಲ್ಲಿ ನಡೆದ 22 ನೇ ಸಮ್ಮೇಳನದಲ್ಲಿ ಹೆಚ್‍ಆರ್, ಸಿಎಸ್‍ಆರ್ ಲೀಡರ್ ಆಫ್ ಇಂಡಿಯಾ ಎಂಬ ಪ್ರಶಸ್ತಿಯನ್ನು ನೀಡಿ ಗೌರವಿಸಿದ್ದಾರೆ.