ಸುದ್ದಿಮೂಲ ವಾರ್ತೆ,
ಮಸ್ಕಿ: ವಿಧಾನಸಭೆಯ ಚುನಾವಣೆಯಗಾಗಿ ಬಿಜೆಪಿ ಅಭ್ಯರ್ಥಿ ಪ್ರತಾಪ್ ಗೌಡ ಪಾಟೀಲ್, ಕಾಂಗ್ರೆಸ್ ಅಭ್ಯರ್ಥಿ ಆರ್ ಬಸವನಗೌಡ ತುರ್ವಿಯಾಳ ಗುರುವಾರ ಸಾಂಕೇತಿಕವಾಗಿ ನಾಮಪತ್ರ ಸಲ್ಲಿಸಿದರು. ಮನೆದೇವರು ಉರುಕುಂದಿ ಈರಣ್ಣ ಹಾಗೂ ಮನೆ ಮುಂದಿನ ಆಂಜನೇಯ ಸ್ವಾಮಿಗೆ ಪೂಜೆ ಸಲ್ಲಿಸಿದ ಪ್ರತಾಪ್ ಗೌಡರು, ಅಂಕಲಿಮಠಕ್ಕೆ ತೆರಳಿ ಶ್ರೀ ವೀರಭದ್ರ ಮಹಾ ಸ್ವಾಮೀಜಿ, ಮಸ್ಕಿಯ ಗಚ್ಛಿನ ಮಠ ಹಿರೇಮಠದ ಶ್ರೀ ವರ ರುದ್ರಮುನಿ ಶಿವಾಚಾರ್ಯರ ಭೇಟಿ ಮಾಡಿ, ಆಶೀರ್ವಾದ ಪಡೆದುಕೊಂಡರು ನಂತರ ಬಿಜೆಪಿ ಕಚೇರಿಯಿಂದ ತಮ್ಮ ಬೆಂಬಲಿಗರೊಂದಿಗೆ ತಾಲೂಕ ಪಂಚಾಯಿತಿ ಕಚೇರಿಗೆ ಆಗಮಿಸಿ ಚುನಾವಣಾ ಅಧಿಕಾರಿ ಆರ್ ದೇವಿಕಾ ಅವರಿಗೆ ನಾಮಪತ್ರ ಸಲ್ಲಿಸಿದರು. ಅವರ ಜೊತೆ ಶಿವ ಶರಣಪ್ಪ ಇತ್ಲಿ, ಮಾಳಪ್ಪ ಕುರುಬರು, ಬಸವಂತರಾಯ, ಶಿವಪುತ್ರಪ್ಪ ಇದ್ದರು.
ಬಸನಗೌಡ ತುರುವೀಹಾಳ ಅವರು ತಮ್ಮ ಸ್ವಗ್ರಾಮ ತುರವಿಹಾಳ ಮನೆಯಲ್ಲಿ ಹುಲಿಗೆಮ್ಮ ದೇವಿಗೆ ಪೂಜೆ ಸಲ್ಲಿಸಿದ ಕಾಂಗ್ರೆಸ್ ಅಭ್ಯರ್ಥಿ ಆರ್ ಬಸನಗೌಡರು, ಮಸ್ಕಿ ಪಟ್ಟಣದ ಶ್ರೀ ಮಲ್ಲಿಕಾರ್ಜುನ ದೇವಸ್ಥಾನದಲ್ಲಿ ಪೂಜೆ ಸಲ್ಲಿಸಿ, ನಂತರ ತಮ್ಮ ಬೆಂಬಲಿಗರೊಂದಿಗೆ ತಾಲೂಕು ಪಂಚಾಯತ ಕಚೇರಿಗೆ ಆಗಮಿಸಿ ಚುನಾವಣಾ ಅಧಿಕಾರಿ ಆರ್ ದೇವಿಕಾ ಅವರಿಗೆ ನಾಮಪತ್ರ ಸಲ್ಲಿಸಿದರು ಅವರ ಜೊತೆ ಸಿದ್ದಣ್ಣ ಹೂವಿನ ಬಾವಿ, ಮಲ್ಲನಗೌಡ ಗುಂಡ, ಮಲ್ಲನಗೌಡ ಶ್ರೀಶೈಲಪ್ಪ ಬ್ಯಾಳಿ, ಪಾಶ ಸಾಬ ಇದ್ದರು.