ಸಿಂಧನೂರು.ಏ.೦೮ –
ಜೆಡಿಎಸ್ ಅಭ್ಯರ್ಥಿಯಾಗಿರುವ ಹಾಲಿ ಶಾಸಕ ವೆಂಕಟರಾವ ನಾಡಗೌಡ ಮಾನಪತ್ರ ಸಲ್ಲಿಕೆಗೂ ಮುನ್ನ ಭರ್ಜರಿ ಮತಬೇಟೆಗಿಳಿಸಿದ್ದು, ಗುರುವಾರ ರಾತ್ರಿ ನಗರದ ವಿವಿಧ ಆಸ್ಪತ್ರೆಗಳಿಗೆ ತೆರಳಿ ಮತಯಾಚನೆ ಮಾಡಿದರು.
ಸಹನಾ ಆಸ್ಪತ್ರೆಯ ಡಾ.ಕೆ.ಶಿವರಾಜ, ಡಾ.ಸುಬ್ಬರಾವ್, ಡಾ.ಚಂದ್ರಶೇಖರ, ಡಾ.ತೋಡದ್, ಡಾ.ಶ್ರೀನಿವಾಸ, ಡಾ.ಜಗೀದೀಶ, ಡಾ.ರಾಧಾಕೃಷ್ಣ, ಡಾ.ಶೈಲೇಶ, ಡಾ.ರವಿ, ಡಾ.ಸುಧಾನ್ ರಾಯ್, ಡಾ.ಶರಣಬಸವ ರೆಡ್ಡಿ, ಡಾ.ನರೇಶ, ಡಾ.ಧಮೇಂದ್ರ ರೆಡ್ಡಿ ಅವರನ್ನು ಭೇಟಿಯಾಗಿ ಮತಯಾಚನೆ ಮಾಡಿದರು.
ಚುನಾವಣೆ ಘೋಷಣೆ ಪೂರ್ವದಲ್ಲಿ ಈಗಾಗಲೇ ಗ್ರಾಮೀಣ ಹಾಗೂ ನಗರದ ವಿವಿಧ ವಾರ್ಡುಗಳಲ್ಲಿ ಸಾರ್ವಜನಿಕರ ಸಮಸ್ಯೆ ಆಲಿಸುವ ಮೂಲಕ ಒಂದು ಹಂತದ ಪ್ರಚಾರ ಪೂರ್ಣ ಮಾಡಿದ್ದರೆ, ಈಗ ಮನೆ-ಮನೆಗೆ ಭೇಟಿ ನೀಡಿ ಮತದಾರರನ್ನು ಸೆಳೆಯುವ ಪ್ರಯತ್ನ ಮಾಡಿದರು. ಇದರ ಮಧ್ಯೆ ನಗರದ ಬಸವ ವೃತ್ತದ ಬಳಿಯ ಚಾಯ್ ತಲಾಬ್‌ಗೆ ಭೇಟಿ ನೀಡಿ, ಜೆಡಿಎಸ್ ಮುಖಂಡರೊಂದಿಗೆ ಬೆಲ್ಲದ ಚಹ ಸವಿದರು.
ಈ ಸಂದರ್ಭದಲ್ಲಿ ಜೆಡಿಎಸ್ ಮುಖಂಡರಾದ ಅಶೋಕ ಗದ್ರಟಗಿ, ನಾಗೇಶ ಹಂಚಿನಾಳಕ್ಯಾಂಪ್, ನಗರಸಭಾ ಸದಸ್ಯ ಚಂದ್ರಶೇಖರ ಮೈಲಾರ ಸೇರಿದಂತೆ ಅನೇಕರು ಇದ್ದರು.