ಸುದ್ದಿಮೂಲ ವಾರ್ತೆ
ಆನೇಕಲ್‌, ಆ. 18 : ತಾಲೂಕಿನ ಹುಲಿಮಂಗಲ ಗ್ರಾಮ ಪಂಚಾಯತಿಗೆ 2 ನೇ ಅವಧಿಗೆ ಅಧ್ಯಕ್ಷರಾಗಿ ಪಿಳ್ಳಮ್ಮ ಹಾಗೂ ಉಪಾಧ್ಯಕ್ಷರಾಗಿ ಮೊಹಮ್ಮದ್ ಷರೀಫ್ ಅಧಿಕಾರ ಸ್ವೀಕರಿಸಿದರು.
ಬಳಿಕ ಮಾತನಾಡಿದ ಪಿಳ್ಳಮ್ಮ, ಸ್ಥಳೀಯ ಸಮಸ್ಯೆಗಳಿಗೆ ಮೊದಲ ಆದ್ಯತೆ ನೀಡಿ ಜನತೆಗೆ ಮಾದರಿಯಾಗಿ ಕೆಲಸ ಮಾಡಲು ಶ್ರಮಿಸುತ್ತೇನೆ. ಗಾಂಧೀಜಿಯವರು ಕಂಡ ಕನಸು ಹಳ್ಳಿಗಳ ಅಭಿವೃದ್ಧಿ ದೇಶದ ಅಭಿವೃದ್ಧಿ ಎಂಬ ಮೂಲ ಮಂತ್ರದೊಂದಿಗೆ ಶಕ್ತಿ ಮೀರಿ ಸಮಾಜಕ್ಕೆ ಮಾದರಿಯಾಗಿ ಕೆಲಸ ಮಾಡುತ್ತೇನೆ ಎಂದು ತಿಳಿಸಿದರು..
ಈ ಸಂದರ್ಭದಲ್ಲಿ ಮಾಜಿ ಅಧ್ಯಕ್ಷರಾದ ಸೈಯದ್ ಸಾಧಿಕ್, ಅಧಿಲ್ ಪಾಷ, ಗಜೇಂದ್ರ, ಮಾಜಿ ಉಪಾಧ್ಯಕ್ಷ ರಾದ ರಮ್ಯ ರಾಘವೇಂದ್ರ, ಅನ್ಸಾರ್ ಅಫ್ರೋಜ್, ರಫೀಕ್ ಜಾವೀದ್, ಬಿ.ಜಿ ವಿಜಯ್ ಕುಮಾರ್ ಹಾಗೂ ಪಂಚಾಯಿತಿ ಸದಸ್ಯರು ಉಪಸ್ಥಿತರಿದ್ದರು.