ಲಿಂಗ ಸಮಾನತೆ ತತ್ವವೇ ಸಮಾಜವಾದಿ ಪಕ್ಷ : ಬಿ.ಟಿ ಲಲಿತಾ ನಾಯಕ್ 

ಸುದ್ದಿಮೂಲ ವಾರ್ತೆ

ಹೊಸಕೋಟೆ, ಸೆ. 11 : ಖಾಸಗೀಕರಣ ವಿರೋಧಿ, ಲಿಂಗ ಅಸಮಾನತೆ ತತ್ವವೇ ಸೋಶಿಯಲಿಸ್ಟ್ ಪಕ್ಷದ ತತ್ವ ಎಂದು ಸಮಾಜವಾದಿ ಪಕ್ಷದ ರಾಜ್ಯಾಧ್ಯಕ್ಷೆ ಬಿ ಟಿ ಲಲಿತಾ ನಾಯಕ್ ತಿಳಿಸಿದರು.

ಹೊಸಕೋಟೆ ನಗರದ ಒನಕೆ ಓಬವ್ವ ಮಹಿಳಾ ಸಂಘದ ಕೇಂದ್ರ ಕಚೇರಿಯಲ್ಲಿ ಸೋಶಿಯಲಿಸ್ಟ್ ಪಕ್ಷಕ್ಕೆ ಒನಕೆ ಓಬವ್ವ ಸಂಘದ ಪದಾಧಿಕಾರಿಗಳ ಸೇರ್ಪಡೆ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಪ್ರತಿಯೊಬ್ಬರಿಗೂ ಉದ್ಯೋಗ ಕಲ್ಪಿಸುವ ಉದ್ದೇಶವನ್ನು ಸಮಾಜವಾದಿ ಪಕ್ಷ ಹೊಂದಿದೆ ಎಂದರು.

ಒನಕೆ ಓಬವ್ವ ಮಹಿಳಾ ಸಂಘದ ರಾಜ್ಯಾಧ್ಯಕ್ಷೆ ರಾಧಿಕಾ ಸುರೇಶ್ ಸೇರಿದಂತೆ 28 ಪದಾಧಿಕಾರಿಗಳು ಸೇರ್ಪಡೆಗೊಂಡರು.

ರಾಜ್ಯಾಧ್ಯಕ್ಷೆ ರಾಧಿಕಾ ಸುರೇಶ್ ಮಾತನಾಡಿ, ರಾಷ್ಟ್ರದಲ್ಲಿ ಬಿಜೆಪಿ, ಕಾಂಗ್ರೆಸ್ ಜೆಡಿಎಸ್ ಸೇರಿದಂತೆ ಹಲವಾರು ಪಕ್ಷಗಳು ಅಸ್ತಿತ್ವದಲ್ಲಿದ್ದರೂ ಕೂಡ ಸೋಶಿಯಲಿಸ್ಟ್ ಪಕ್ಷ ತನ್ನದೇ ಆದ ವಿಭಿನ್ನ ಜನಪರ ತತ್ವ ಸಿದ್ದಾಂತಗಳನ್ನು ಹೊಂದಿರುವ ಪಕ್ಚವಾದ ಕಾರಣ ಒನಕೆ ಓಬವ್ವ ಮಹಿಳಾ ಸಂಘದ ಪದಾಧಿಕಾರಿಗಳು ಸ್ವ ಇಚ್ಛೆಯಿಂದ ಸೇರ್ಪಡೆಯಾದರು ಎಂದು ತಿಳಿಸಿದರು.

ಈ ಸಂಧರ್ಭದಲ್ಲಿ ಪಕ್ಷದ ರಾಜ್ಯ ಕಾರ್ಯದರ್ಶಿ ಗಣೇಶ್, ಸಂಘಟನಾ ಕಾರ್ಯದರ್ಶಿ ಬಲರಾಮ್ ನಾಯಕ್, ಜಿಲ್ಲಾಧ್ಯಕ್ಷೆ ಲಕ್ಷ್ಮೀ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.