ಸುದ್ದಿಮೂಲ ವಾರ್ತೆ
ಶಿಡ್ಲಘಟ್ಟ, ಮೇ 12: ಶಿಡ್ಲಘಟ್ಟ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಸೀಕಲ್‌ ರಾಮಚಂದ್ರಗೌಡ ಅವರು ಕಾರ್ಯಕರ್ತರ ಸಭೆ ಕರೆದು ಪ್ರತಿಯೊಬ್ಬರಿಗೂ ಧನ್ಯವಾದಗಳನ್ನು ತಿಳಿಸಿದರು.
ಕಳೆದ ಎರಡು ತಿಂಗಳಿಂದನೂ ಕೂಡ ಹಗಲು-ರಾತ್ರಿ, ಬಿಸಿಲು-ಮಳೆ ಎನ್ನದೇ, ನಿದ್ರಾಹಾರಗಳನ್ನು ಬಿಟ್ಟು ನಿರಂತರವಾಗಿ ನನ್ನ ಜೊತೆಗೆ ದುಡಿದಿದ್ದೀರಿ. ನನಗಾಗಿ, ಪಕ್ಷಕ್ಕಾಗಿ, ದೇಶದ ಮತ್ತು ಶಿಡ್ಲಘಟ್ಟದ ಏಳಿಗೆಗಾಗಿ ದುಡಿದಿದ್ದೀರಿ. ಧನ್ಯವಾದ ಎಂಬುದು ಸಣ್ಣ ಪದ ಆಗುತ್ತೆ. ಆದರೂ ತಮ್ಮೆಲ್ಲರ ಕಾರ್ಯವೈಖರಿ, ಪಕ್ಷನಿಷ್ಠರಾಗಿ ಕೆಲಸ ಮಾಡಿರುವ ಪರಿ ಖಷಿ ನೀಡಿದೆ, ರಾಜಕಾರಣದಲ್ಲಿ ಗೆಲುವು ಸೋಲು ಇದ್ದದ್ದೇ ಆದರೆ ಅದರಾಚನೆ ನನ್ನ ಜೊತೆ ನಿಂತಂತ ನಿಮ್ಮೆಲ್ಲರಿಗೂ ಕೃತಜ್ಞತೆ ಎಂದು ಪ್ರತಿಯೊಬ್ಬರಿಗೂ ಧನ್ಯವಾದಗಳನ್ನು ಅರ್ಪಿಸಿದರು.
ಈ ಸಭೆಯಲ್ಲಿ ಮಾಜಿ ಶಾಸಕರಾದ ಎಂ ರಾಜಣ್ಣ, ಮಳಮಾಚನಹಳ್ಳಿ, ಡಾ.ಜಯರಾಮ್‌ ಮತ್ತು ಸಹೋದರರಾದ ಸೀಕಲ್‌ ಆನಂದ ಗೌಡರು ಉಪಸ್ಥಿತರಿದ್ದರು.