ಹಿಂಡಿಗನಾಳ ಹಾಲು ಉತ್ಪಾದಕರ ಸಹಕಾರ ಸಂಘಕ್ಕೆ ಆಯ್ಕೆ

ಸುದ್ದಿಮೂಲ ವಾರ್ತೆ

ಹೊಸಕೋಟೆ,ಸೆ.30: ನಂದಗುಡಿ ಹೋಬಳಿಯ ಇಟ್ಟಸಂದ್ರ ಗ್ರಾಪಂ ವ್ಯಾಪ್ತಿಯ ಹಿಂಡಿಗನಾಳ ಹಾಲು ಉತ್ಪಾದಕರ ಸಹಕಾರ ಸಂಘದ ಆಡಳಿತ ಮಂಡಳಿಗೆ ನೂತನ ಅಧ್ಯಕ್ಷ ವೆಂಕಟೇಶ್ ಹೆಚ್.ಟಿ ಉಪಾಧ್ಯಕ್ಷೆಯಾಗಿ ಲಕ್ಷ್ಮಮ್ಮ ಗೋವಿಂದರಾಜು ಯ್ಕೆಯಾಗಿದ್ದಾರೆ.

ಯುವಶಕ್ತಿ ಸಂಸ್ಥಾಪಕ ವೈಎಸ್‌ಎಂ ಮಂಜು ಎನ್. ಗೌಡ ಮಾತನಾಡಿ, ಸಂಘವನ್ನು ಆರ್ಥಿಕವಾಗಿ ಮುನ್ನೆಡಸಲು ಶ್ರಮಿಸಬೇಕು. ಸರಕಾರ ಹಾಗೂ ಬಮೂಲ್ ವತಿಯಿಂದ ಸಿಗುವಂತಹ ಸೌಲಭ್ಯಗಳು ರೈತರಿಗೆ ಪ್ರಾಮಾಣಿಕವಾಗಿ ಸಿಗುವಂತಾಗಬೇಕು. ಪಕ್ಷ ಬೇಧ ಮರೆತು ಸಂಘವನ್ನು ಆರ್ಥಿಕವಾಗಿ ಸದೃಢಗೊಳಿಸಬೇಕು ಎಂದರು.

ನೂತನ ಅಧ್ಯಕ್ಷ, ಉಪಾಧ್ಯಕ್ಷರನ್ನು ಮಾಜಿ ಸಚಿವ ಎನ್. ನಾಗರಾಜ್, ಜಿಪಂನ ಮಾಜಿ ಸದಸ್ಯ ಸಿ. ನಾಗರಾಜ್, ಬಮೂಲ್ ಒಕ್ಕೂಟದ ನಿರ್ದೇಶಕ ಸಿ. ಮಂಜುನಾಥ್, ವೈಎಸ್‌ಎಂ ಯುವಶಕ್ತಿ ಮಂಜುನಾಥ್‌ಗೌಡ ಶುಭ ಕೋರಿದರು.

ಈ ಸಂದರ್ಭದಲ್ಲಿ ಬಿಎಂಆರ್‌ಡಿಎ ಮಾಜಿ ನಿರ್ದೇಶಕ ಲೋಕೇಶ್, ಟಿಎಪಿಸಿಎಂಎಸ್ ಮಾಜಿ ನಿರ್ದೇಶಕ ಮುನಿಶಾಮಗೌಡ, ಎಪಿಎಂಸಿ ಮಾಜಿ ನಿರ್ದೇಶಕ ಚಂದ್ರಮೋಹನ್, ಗ್ರಾಪಂನ ಮಾಜಿ ಸದಸ್ಯ ವೆಂಕಟೇಶ್, ನೂತನ ನಿರ್ದೇಶಕ ರಾಮಚಂದ್ರೇಗೌಡ ಹೆಚ್.ಕೆ, ಆನಂದ್, ಗುಡೇಗೌಡ, ಕಲ್ಪನಾ, ಲಕ್ಷö್ಮಮ್ಮ, ಮುನಿರಾಜ್, ಮುನಿಯಪ್ಪ, ಮುಖಂಡರಾದ ಮಾರೇಗೌಡ, ಪ್ರಶಾಂತ್, ಹೆಚ್.ಡಿ. ನಾಗರಾಜ್, ಶಶಾಂಕ್ ಹಾಗೂ ಬಿಜೆಪಿ ಕಾರ್ಯಕರ್ತರು ಭಾಗವಹಿಸಿದ್ದರು.