ರಾತ್ರೋರಾತ್ರಿ ದಾಳಿಂಬೆ ಗಿಡಗಳನ್ನು ಕತ್ತರಿಸಿದ ಅಪರಿಚಿತರು

ಸುದ್ದಿಮೂಲ ವಾರ್ತೆ

ಶಿಡ್ಲಘಟ್ಟ, ಜೂ 22 : ತಾಲ್ಲೂಕಿನ ಕಸಬಾ ಹೋಬಳಿ ತುಮ್ಮನಹಳ್ಳಿ ಗ್ರಾಮದ ನಿವಾಸಿ ದಾಳಿಂಬೆ ರೈತನ ಟಿ.ಎಂ ಸುರೇಂದ್ರ ಗೌಡ ಎಂಬುವರ ತೋಟದಲ್ಲಿ ಬೆಳೆದಿದ್ದ ದಾಳಿಂಬೆ ಗಿಡಗಳನ್ನು ಅಪರಿಚಿತರು ರಾತ್ರಿ ವೇಳೆ ಕತ್ತರಿಸಿದ್ದಾರೆ.

ಸುಮಾರು ಮೂರು ಎಕರೆ ಜಮೀನಿನಲ್ಲಿ ದಾಳಿಂಬೆ ಗಿಡಗಳನ್ನು ನಾಟಿ ಮಾಡಿದ್ದು,ಸುಮಾರು 150ಕ್ಕೂ ಗಿಡಗಳನ್ನು ಕತ್ತರಿಸಿದ್ದಾರೆ ಎನ್ನಲಾಗಿದೆ. .

ಶಾಸಕ ಬಿ.ಎನ್ ರವಿಕುಮಾರ್ ರವರು ಹಾಗೂ ತಹಶೀಲ್ದಾರ್ ಎನ್.ಸ್ವಾಮಿ ಮತ್ತು ಗ್ರಾಮಾಂತರ ಪೊಲೀಸ್ ಸಬ್ ಇನ್ಸ್ಪೆಕ್ಟರ್ ಸುನೀಲ್‌ ಸ್ಥಳಕ್ಕೆ ಭೇಟಿ ನೀಡಿ ನಾಶವಾಗಿದ್ದ ದಾಳಿಂಬೆ ಗಿಡವನ್ನು ಪರಿಶೀಲನೆ ಮಾಡಿದರು.

ಸುರೇಂದ್ರ ಗೌಡ ಮಾತನಾಡಿ, ಕಳೆದ 18 ತಿಂಗಳಿನಿಂದ ಬೆಳೆಸಿದ್ದ ಗಿಡಗಳನ್ನು ಏಕಾಏಕಿ ನಾಶಮಾಡಿದ್ದಾರೆ. ತಪ್ಪಿತಸ್ಥರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕೆಂದು ಮನವಿ ಮಾಡಿದರು.