ಹಾಲು ಒಕ್ಕೂಟದಿಂದ ಸಿಹಿ ಹಂಚಿಕೆ

ಸುದ್ದಿಮೂಲ ವಾರ್ತೆ

ಮೈಸೂರು, ಆ.15‌ : ನಟ ಶಿವರಾಜ್ ಕುಮಾರ್ ಮತ್ತು ಪತ್ನಿ ಗೀತಾ ಶಿವರಾಜ್ ಕುಮಾರ್ ಅವರು ಮೈಸೂರಿನ ಶಕ್ತಿಧಾಮದಲ್ಲಿ ಮಕ್ಕಳ ಜತೆ 77ನೇ ಸ್ವಾತಂತ್ರ್ಯೋತ್ಸವ ಆಚರಿಸಿ ಸಂಭ್ರಮಿಸಿದರು.

ಶಿವರಾಜ್ ಕುಮಾರ್ ಅವರ ಪತ್ವಿಹಾಗೂ ಗೀತಾ ಶಿವರಾಜ್ ಕುಮಾರ್, ಶಕ್ತಿಧಾಮದ ನಿರ್ದೇಶಕಿ ಮಂಜುಳ, ಚಿತ್ರ ನಿರ್ಮಾಪಕ ಸದಾನಂದ ಮತ್ತಿತರರು ಇದ್ದರು. ಇದೇ ವೇಳೆ ಶಕ್ತಿಧಾಮದಲ್ಲಿ ಇರುವ ನೂರಾರು ಮಕ್ಕಳ ಜೊತೆ ಧ್ವಜಾರೋಹಣ ಮಾಡಿ ಸ್ವಾತಂತ್ರ್ಯೋತ್ಸವ ಆಚರಿಸಿದರು.

ನಂತರ ಮೈಸೂರು ಹಾಲು ಒಕ್ಕೂಟದಿಂದ ಬಗೆ ಬಗೆಯ ಸಿಹಿಯನ್ನು ಮಕ್ಕಳಿಗೆ ವಿತರಿಸಲಾಯಿತು. ಒಕ್ಕೂಟದ ಅಧ್ಯಕ್ಷ ಪ್ರಸನ್ನಕುಮಾರ್‌. ನಿರ್ದೇಶಕರಾದ ಕೆ. ಉಮಾಶಂಕರ್‌, ಕಣಿಯನಹುಂದಿ ಈರೇಗೌಡ,ಎ.ಟಿ. ಶೇಖರ್. ಮಹೇಶ್‌, ಲೀಲಾ ನಾಗರಾಜಪ್ಪ,ಶಿವಗಾಮಿ, ಜಿಎಂ ಜಯಶೇಖರ್‌, ಮಾರುಕಟ್ಟೆ ಅಧಿಕಾರಿ ಅರುಣ್‌ ಇದ್ದರು.