ಬೆಂಕಿಗೆ ಹತ್ತಾರು ಮೇವಿನ ಬಣಿಮೆ ಭಸ್ಮ

ಸುದ್ದಿಮೂಲ ವಾರ್ತೆ

ರಾಯಚೂರು,ಮೇ17: ಭತ್ತದ ಹತ್ತಕ್ಕೂ ಅಧಿಕ ಬಣಿಮೆಗಳಿಗೆ ಬೆಂಕಿ ತಾಗಿ ಸುಟ್ಟು ಭಸ್ಮವಾದ ಘಟನೆ ಜರುಗಿದೆ. ಮಾನ್ವಿ ತಾಲೂಕಿನ ಕುರ್ಡಿ ಗ್ರಾಮದ ಅರೋಲಿ ರಸ್ತೆ ಪಕ್ಕದಲ್ಲಿ ರೈತರು ಬಣಿಮೆ ಹಾಕಿ ಕೊಂಡಿದ್ದರು. ಆದರೆ ಆಕಸ್ಮಿಕವಾಗಿ ಬೆಂಕಿ ತಾಗಿ ಸುಟ್ಟು ಭಸ್ಮವಾಗಿವೆ. ಸ್ಥಳಕ್ಕೆ ಆಗಮಿಸಿದ ಅಗ್ನಿಶಾಮಕ ದಳದ ಸಿಬ್ಬಂದಿ ಬೆಂಕಿ ನಂದಿಸಿದರು.

ಬಣಿಮೆ‌ ಸುಟ್ಟಿದ್ದರಿಂದ ಜಾನುವಾರುಗಳಿಗೆ ಮೇವಿನ ಆಭಾವ ಸೃಷ್ಟಿಯಾಗಲಿದೆ ಎಂದು ರೈತರು ದುಃಖ ತೋಡಿಕೊಳ್ಳುತ್ತಿದ್ದಾರೆ. ಯಾರೊ ಬೀಡಿ ಸೇದಿ ಬೀಸಾಡಿರಬಹುದು ಆ ಬೆಂಕಿ‌ ಕಸಕ್ಕೆ ತಾಗಿ ಅಲ್ಲಿದ್ದ ಬಣಿಮೆಗಳೆಲ್ಲ ಸುಟ್ಟಿವೆ ಎಂದು ಅನುಮಾನ ವ್ಯಕ್ತಪಡಿಸಿದರು. ತಕ್ಷಣ ಕಂದಾಯ ಅಧಿಕಾರಿಗಳು ಸ್ಥಳಕ್ಕೆ ದಾವಿಸಿ ರೈತರಿಗೆ ಪರಿಹಾರ ಅಥವಾ ಹುಲ್ಲು ಪೂರೈಕೆಗೆ ಮುಂದಾಗಬೇಕು ಎಂದು ಆಗ್ರಹಿಸಿದರು.