ಸಿದ್ದರಾಮಯ್ಯ ಹುಟ್ಟೂರಿನಲ್ಲಿ ಸಂಭ್ರಮಾಚಣೆ: ಕೆಲ ನಿಮಿಷಗಳಲ್ಲೇ ಮರೆ

ಸುದ್ದಿಮೂಲ ವಾರ್ತೆ
ಮೈಸೂರು, ಮೇ 17: ಸಾಮಾಜಿಕ ಜಾಲತಾಣ ಮತ್ತಿತರ ಮಾಧ್ಯಮಗಳಲ್ಲಿ ಬಂದ ಸುದ್ದಿಯನ್ನು ನಂಬಿ ಸಿದ್ದರಾಮಯ್ಯನವರು ಹುಟ್ಟಿದೂರು ಸಿದ್ದರಾಮನಹುಂಡಿಯಲ್ಲಿ ಬುಧವಾರ ಮಧ್ಯಾಹ್ನ ಸಂಭ್ರಮಾಚರಣೆ ಮಾಡಲಾಯಿತು. ಗ್ರಾಮಸ್ಥರು ಸಿದ್ದರಾಮಯ್ಯನವರ ಭಾವಚಿತ್ರಕ್ಕೆ ಅಭಿಷೇಕ ಮಾಡಿ, ಜೈಕಾರ ಹಾಕಿದರು.

ಆದರೆ ಆ ಸಂಭ್ರಮ ಕೆಲವೇ ನಿಮಿಷಗಳಲ್ಲಿ ಕಳೆದುಹೋಯಿತು. ದೆಹಲಿಯ ಮಲ್ಲಿಕಾರ್ಜುನ ಖರ್ಗೆ ಅವರ ನಿವಾಸದ ಬಳಿ ಕರ್ನಾಟಕ ಉಸ್ತುವಾರಿ ಸುರ್ಜೇವಾಲ ಅವರು, ಇನ್ನು ಮುಖ್ಯಮಂತ್ರಿಯ ಆಯ್ಕೆ ಆಗಿಲ್ಲ. 24 ಅಥವಾ 72 ಗಂಟೆಗಳ ನಂತರ ಮುಖ್ಯಮಂತ್ರಿಯನ್ಬು ಅವಿರೋಧವಾಗಿ ಆಯ್ಕೆ ಮಾಡುವ ಕಸರತ್ತು ನಡೆಯುತ್ತಿದೆ ಎಂದು ಹೇಳಿದಾಗ ಸಂಭ್ರಮ ಮರೆಯಾಯಿತು.

ವಿಧಾನಸಭೆ ಚುನಾವಣೆ ನಡೆದು ಫಲಿತಾಂಶ ಹೊರಬಿದ್ದು ನಾಲ್ಕು ದಿನಗಳು ಕಳದರೂ ಕಗ್ಗಂಟಾಗಿದ್ದ
ಸಿಎಂ ಆಯ್ಕೆ ವಿಚಾರಕ್ಕೆ ಕಾಂಗ್ರೆಸ್ ಹೈಕಮಾಂಡ್ ಸಿದ್ದರಾಮಯ್ಯನವರನ್ನು ಆಯ್ಕೆ ಮಾಡಿದ್ದು, ಘೋಷಣೆಯೊಂದೇ ಬಾಕಿ ಎಂದು ಪ್ರಸಾರ ಮಾಡಲಾಗಿತ್ತು.

ಈ ನಡುವೆ ಏನೇ ಆದರೂ ನಡುವೆ ಸಿದ್ದರಾಮಯ್ಯ ಸಿಎಂ ಆಗುವುದು ಖಚಿತ ಎಂಬ ಅದಮ್ಯ ವಿಶ್ವಾಸ ವರುಣಾ ಕ್ಷೇತ್ರದ ಸಿದ್ಧರಾಮನಹುಂಡಿ ಗ್ರಾಮಸ್ಥರಲ್ಲಿ ಇದೆ.