ಹೂಗಾರ ಸಮಾಜದ ಮುಖಂಡ ನಿಧನ

ಸುದ್ದಿಮೂಲವಾರ್ತೆ

ಕೊಪ್ಪಳ ಆ 19: ರಾಜ್ಯ ಹೂಗಾರ ಸಮಾಜದ ಮುಖಂಡರಾಗಿದ್ದ ಕೊಪ್ಪಳದ ರಮೇಶ ಹೂಗಾರ ಇಂದು ಬೆಂಗಳೂರಿನಲ್ಲಿ ಹೃದಯಾಘಾತದಿಂದ ನಿಧನರಾಗಿದ್ದಾರೆ.

63 ವರ್ಷದ ರಮೇಶ ಹೂಗಾರ ಸಮಾಜ ಸಂಘಟನೆಯಲ್ಲಿ ತೊಡಗಿದ್ದರು. ರಾಜಕೀಯ ಮುಖಂಡರೂ ಆಗಿದ್ದರು. ನಿನ್ನೆ ಬೆಂಗಳೂರಿಗೆ ಹೋಗಿದ್ದ ಅವರು ಕೊಪ್ಪಳಕ್ಕೆ ವಾಪಸ್ಸು ಬರಲು ಯಶವಂತಪುರ ರೈಲು ನಿಲ್ದಾಣಕ್ಕೆ ಆಗಮಿಸಿದಾಗ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರೆ.

ಮೂರು ಪುತ್ರರು ಹಾಗು ಪತ್ನಿಯನ್ನು ಅಗಲಿರುವ ರಮೇಶ ಹೂಗಾರರ ಅಂತ್ಯಕ್ರಿಯೆ ಸಂಜೆ ಕೊಪ್ಪಳದ ವೀರಶೈವ ರುದ್ರಭೂಮಿಯಲ್ಲಿ ನಡೆಯಲಿದೆ. ಮೃತರಿಗೆ ಹಲವರು ಕಂಬನಿ ಮೀಡಿದಿದ್ದಾರೆ.