ಆಡುಗಳು ಏಕಾಎಕಿ ಸಾವು ಕಂಗಾಲಾದ ಕುರಿಗಾರ

ಸುದ್ದಿಮೂಲವಾರ್ತೆ

ಕೊಪ್ಪಳ,ಸೆ.14:ಇಂದು ಬೆಳಗಿನ ಜಾವ ಸುಮಾರು 15 ಮೇಕೆಗಳ ಸಾವನ್ನಪ್ಪಿದ ಘಟನೆ ಕೊಪ್ಪಳ ತಾಲೂಕಿನ ಮಹ್ಮದನಗರದಲ್ಲಿ ನಡೆದಿದೆ.

ಮಹ್ಮದನಗರದ ರಾಜೇಸಾಬ ಎಂಬುವವರು ತಮ್ಮವು ಹಾಗು ಗ್ರಾಮದ ಇತರರ ಸುಮಾರು 30 ಮೇಕೆಗಳನ್ನು ನಿತ್ಯ ಮೇಯಿಸಲು ಹೋಗಿದ್ದಾಗ ನಿನ್ನೆ ಮೇಯಿಸಿಕೊಂಡು ಬಂದು ಹಟ್ಟಿಯಲ್ಲಿ ಹಾಕಿದ್ದ ರಾತ್ರಿಯಿಂದ ಒಂದೊಂದೆ ಮೇಕೆಗಳು ಸಾವನ್ನಪ್ಪುತ್ತಿವೆ.

ಇಂದು ಮುಂಜಾನೆಯ ಹೊತ್ತಿಗೆ ಸುಮಾರು 15 ಮೇಕೆಗಳು ಸಾವನ್ನಪ್ಪಿವೆ. ಇನ್ನಷ್ಟು ಮೇಕೆಗಳು ಸಾಯಿಯುವ ಸ್ಥತಿಯಲ್ಲಿವೆ.

ಪಶು ಸಂಗೋಪನಾ ಇಲಾಖೆಯ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಕುರಿಗಾರರಿಗೆ ಸರಕಾರದಿಂದ ನೆರವು ಕೊಡಿಸಬೇಕೆಂದು ಕುರಿಗಾರ ಆಗ್ರಹಿಸಿದ್ದಾರೆ.