ಕಳ್ಳತನ ವೇಳೆ ಸಿಕ್ಕಿಬಿದ್ದ ಕಳ್ಳನಿಗೆ ಸಾರ್ವಜನಿಕರಿಂದ ಗೂಸಾ 

ಸುದ್ದಿಮೂಲ ವಾರ್ತೆ

ಆನೇಕಲ್‌, ಜೂ 26 : ಸರಣಿ ಕಳ್ಳತನದಿಂದ ಕಂಗಾಲಾಗಿದ್ದ ಗ್ರಾಮಸ್ಥರೇ ಕಳ್ಳನನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ.

ಆನೇಕಲ್ ನ ಕುವೆಂಪು ನಗರದಲ್ಲಿ ಹಲವು ಬಾರಿ ಕಳ್ಳತನ ನಡೆಯುತ್ತಿರುವ ಬಗ್ಗೆ ಸಾರ್ವಜನಿಕರ ನಿದ್ದೆಗೆ ಭಂಗವಾಗಿತ್ತು. ಹೀಗಾಗಿ, ಕಳ್ಳನನ್ನ ಹಿಡಿಯಲು ಗ್ರಾಮದ ಸದಸ್ಯರೇ ಹೊಂಚು ಹಾಕಿದ್ದರು. ಮಧ್ಯರಾತ್ರಿ 12 ರಿಂದ 3 ಗಂಟೆಯೊಳಗೆ ಕಳ್ಳತನ ನಡೆಯುತ್ತಿತ್ತು. ಹೀಗಾಗಿ, ಗ್ರಾಮದ ಯುವಕರು ಕಳ್ಳರನ್ನು ಹಿಡಿಯಲು ಸಿದ್ಧತೆ ಮಾಡಿಕೊಂಡಿರು. ಮಧ್ಯರಾತ್ರಿ 2 ಗಂಟೆಯಲ್ಲಿ ಕಳ್ಳತನ ಮಾಡಲು ಬಂದಿದ್ದ ಖದೀಮನನ್ನು ಹಿಡಿದ ಯುವಕರು ಥಳಿಸಿದ್ದಾರೆ.

ಥಳಿಸಿದ ಪರಿಣಾಮ ಕಳ್ಳನಿಗೆ ಗಂಭೀರ ಗಾಯವಾಗಿದ್ದು, ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಆನೇಕಲ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.