ಕೊಪ್ಪಳದಿಂದ ಮುಂಬೈಗೆ ಪ್ರಯಾಣಿಸಲು ರೈಲು ಸೌಲಭ್ಯ

ಸುದ್ದಿಮೂಲವಾರ್ತೆ

ಕೊಪ್ಪಳ,ಆ.27: ಇನ್ಮುಂದೆ ಕೊಪ್ಪಳದಿಂದ ಪುಣೆ , ಮುಂಬೈಗೆ ನೇರ ರೈಲು ಮೂಲಕ ಪ್ರಯಾಣಿಸುವ ಸೌಲಭ್ಯ ಲಭ್ಯವಾಗಲಿದೆ.

ಮುಂಬೈ -ಗದಗ ನಡುವೆ ಸಂಚರಿಸುತ್ತಿದ್ದ ರೈಲು ಅಗಸ್ಟ್ 29 ರಿಂದ ಹೊಸಪೇಟೆಯಿಂದ ವಯಾ ಕೊಪ್ಪಳ ಸಂಚಾರ ಆರಂಭಿಸಲಿದೆ.

ಅಗಸ್ಟ್ 29 ರಂದು ಹೊಸಪೇಟೆ ರೈಲು ನಿಲ್ದಾಣದಲ್ಲಿ ಹೊಸಪೇಟೆ – ಸಿಎಸ್ಎಂಟಿ ಮುಂಬೈ ರೈಲಿಗೆ ಬಳ್ಳಾರಿ ಸಂಸದರಾದ ದೇವೇಂದ್ರಪ್ಪ ಹಾಗೂ ಕೊಪ್ಪಳ ಸಂಸದರಾದ ಸಂಗಣ್ಣ ಕರಡಿ ಹಸಿರು ನಿಶಾನೆ ತೋರಲಿದ್ದಾರೆ.

ಅಗಸ್ಟ್ 28 ರಂದು ರಾತ್ರಿ 9.20 ಕ್ಕೆ ಮುಂಬೈನಿಂದ ಹೊರಡುವ ಈ ರೈಲು ಸೋಲಾಪುರ ಮೂಲಕ ಅಗಸ್ಟ್ 29 ರಂದು ಬೆಳಗ್ಗೆ 6.50 ಕ್ಕೆ ವಿಜಯಪುರ, 8.40 ಕ್ಕೆ ಬಾಗಲಕೋಟೆ, 9.09 ಕ್ಕೆ ಬಾದಾಮಿ, ಗದಗ 10.40 ಕ್ಕೆ, ಕೊಪ್ಪಳ 11.40 ಕ್ಕೆ, ಮುನಿರಾಬಾದ್ 11.55 ಕ್ಕೆ ಮೂಲಕ ಹೊಸಪೇಟೆ ತಲುಪಲಿದೆ.

ಆಗಸ್ಟ್ 29 ರಿಂದ ಮಧ್ಯಾಹ್ನ 2 ಗಂಟೆಗೆ ಹೊಸಪೇಟೆಯಿಂದ ಹೊರಡುವ ಈ ರೈಲು ಮುನಿರಾಬಾದ್ 2.09 ಕ್ಕೆ , ಕೊಪ್ಪಳ 2.36 ಕ್ಕೆ , ಗದಗ 3.15 ಕ್ಕೆ , ಬಾದಾಮಿ 4.19 ಕ್ಕೆ ಬಾಗಲಕೋಟೆ 4.48 ಕ್ಕೆ ವಿಜಯಪುರ 6.25 ಕ್ಕೆ ತಲುಪಲಿದ್ದು ಸೋಲಾಪುರ ಮೂಲಕ ಮರುದಿನ ಬೆಳಗ್ಗೆ 5.10ಕ್ಕೆ ಸಿಎಸ್ಎಂಟಿ ಮುಂಬೈ ತಲುಪಲಿದೆ.