ಡಿವೈಡರಿಗೆ ಮಿನಿ ಲಾರಿ ಡಿಕ್ಕಿ ಇಬ್ಬರ ಸಾವು

ಸುದ್ದಿಮೂಲವಾರ್ತೆ

ಕೊಪ್ಪಳ ಮೇ 31: ಕುಕನೂರಿನಲ್ಲಿ ಸಂಬಂಧಿಗಳು ಆಯೋಜಿಸಿದ್ದ ದೇವರ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಕೊಪ್ಪಳಕ್ಕೆ ಆಗಮಿಸುವಾಗ ಡಿವೈಡರ್ ಡಿಕ್ಕಿ ಹೊಡೆದು ಸ್ಥಳದಲ್ಲಿ ಇಬ್ಬರು ಸಾವನ್ನಪ್ಪಿ 9 ಜನರಿಗೆ ಗಂಭೀರವಾದ ಘಟನೆ ಕೊಪ್ಪಳ ತಾಲೂಕಿನ ಮಂಗಳಾಪುರ ಕ್ರಾಸ್ ಬಳಿ ನಡೆದಿದೆ.

ಕುಕನೂರಿನಲ್ಲಿ ಸಂಬಂಧಿಗಳು ದೇವಿ ಆರಾಧನೆಗಾಗಿ ಹೋಗಿ ಬೆಳಗಿನ ಜಾವ ಮಿನಿ ಲಾರಿಯಲ್ಲಿ ಕೊಪ್ಪಳಕ್ಕೆ ಬರುತ್ತಿದ್ದಾಗ ಚಾಲಕನ ನಿಯಂತ್ರಣ ತಪ್ಪಿ ಲಾರಿ ಡಿವೈಡರಿಗೆ ಡಿಕ್ಕಿ ಹೊಡೆದಿದೆ.

ಈ ಘಟನೆಯಲ್ಲಿ ರೇಣುಕಮ್ಮ(52) ಹಾಗು ಆಕೆಯ ಮಗ ಪ್ರಭು (25) ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾರೆ. ರೇಣುಕಮ್ಮ ಗಂಡ ಹನುಮಂತಪ್ಪ ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದ್ದರು. ಈಗ ತಾಯಿ ಮಗ ಸಾವನ್ನಪ್ಪಿದ್ದರಿಂದ ಇಡೀ ಕುಟುಂಬ ನಾಶವಾದಂತಾಗಿದೆ.

ಮಿನಿ ಲಾರಿಯಲ್ಲಿದ್ದ 9 ಜನರಿಗೂ ಗಾಯಗಳಾಗಿವೆ. ಅವರಲ್ಲಿ ಇಬ್ಬರಿಗೆ ಗಂಭೀರ ಗಾಯವಾಗಿದ್ದು ಜಿಲ್ಲಾಸ್ಪತ್ರೆ ಹಾಗು ವಿವಿಧ ಖಾಸಗಿ ಆಸ್ಪತ್ರೆ ದಾಖಲಿಸಲಾಗಿದೆ.
ಕೊಪ್ಪಳ ಗ್ರಾಮೀಣ ಠಾಣೆಯಲ್ಲಿ ದಾಖಲಾಗಿದೆ