ಕುಷ್ಟಗಿ ಹಜರತ್ ಮಿಸ್ಕಿನ್ ಶಾವಲಿಯ ದರ್ಗಾದ ಉರುಸು ಆಚರಣೆ

ಸುದ್ದಿಮೂಲ ವಾರ್ತೆ

ಕುಷ್ಟಗಿ,ಜೂ.23:ಕುಷ್ಟಗಿ ಪಟ್ಟಣದ ಕೆರೆ ಅಂಗಳ ಪ್ರದೇಶದ ಜಾಮಿಯಾ ಮಸೀದಿ ಪ್ರದೇಶದಲ್ಲಿ ಹಜರತ್ ಮಿಸ್ಕಿನ್ ಶಾವಲಿಯ ದರ್ಗಾದ ಉರುಸು ಭಾನುವಾರ ಮುಸ್ಲಿಂ ಬಾಂಧವರು ಶ್ರದ್ಧಾ-ಭಕ್ತಿಯಿಂದ ಆಚರಿಸಿದರು.

ಕೆಲ ವರ್ಷಗಳ ಹಿಂದೆ ಕಾರಣಾಂತರಗಳಿಂದ ತೆರವುಗೊಳಿಸಿದ್ದ ಹಜರತ್ ಮಿಸ್ಕಿನ್ ಶಾವಲಿಯವರ ಗೋರಿಯ ಜಾಗೆಯಲ್ಲಿ ಈ ವರ್ಷವೂ ಕೂಡ ಮೊಹರಂನ 4ನೇ ದಿನವಾದ ಇಂದು ಹಜರತ್ ಮಿಸ್ಕಿನ್ ಶಾವಲಿಯ ಅವರ ತಾತ್ಕಾಲಿಕ ಕಬ್ಬಿಣದ ಗೋರಿ ಆಕೃತಿಯನ್ನು ಇರಿಸಿ ಸರ್ವ ಭಕ್ತಾದಿಗಳು ಗಂಧದ ಅಭಿಷೇಕ ಹೂವಿನ ಅಭಿಷೇಕ ಮತ್ತು ಫಾತಿಹಖಾನೆ ನೆರವೇರಿಸಿದರು.

ಉರುಸು ಆಚರಣೆ ಸಮಿತಿಯ ಪ್ರಮುಖರಾದ ದಸ್ತಗೀರ್ ಖಾಜಾ ಹುಸೇನ್, ಕಾಶಿಂಸಾಬ ಕಾಯಿಗಡ್ಡಿ, ಮೌಲಾ ಹುಸೇನ್ ವಕ್ಕಲ್, ಅಬ್ದುಲ್ ನದೀಮ್, ಜಾಫರ್ ಸಾಹೇಬ್ ಅಯೂಬ್ ಮುಲ್ಲಾ ಸೇರಿದಂತೆ ಊರಿನ ಗಣ್ಯರು, ಭಕ್ತಾದಿಗಳು ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.