ನೆಲಮಂಗಲದಲ್ಲಿ ವಿಜಯದಶಮಿ

ಸುದ್ದಿಮೂಲ ವಾರ್ತೆ

ನೆಲಮಂಗಲ, ಅ. 25 : ತಾಲೂಕಿನ ಸೋಂಪುರ ಹೋಬಳಿ ಶಿವಗಂಗೆಯಲ್ಲಿ ಗಂಗಾಧರೇಶ್ವರನ ಮೆರವಣಿಗೆ ಮುಖಾಂತರ ಮಹಾನವಮಿ ಮಂಟಪ ಹಾಗೂ ಬನ್ನಿ ಮರವನ್ನು ಕತ್ತರಿಸುವ ಮೂಲಕ ವಿಜಯದಶಮಿ ಆಚರಿಸಲಾಯಿತು.

ಮಾಚನಹಳ್ಳಿ ಹಾಗು ಗೋಟ್ಟಿಕೆರೆ ಗ್ರಾಮಸ್ಥರು ಒಟ್ಟಾಗಿ ವಿಜಯದಶಮಿ ಆಚರಿಸುವುದು ಇಲ್ಲಿನ ವಿಶೇಷ. ವಿಜಯದಶಮಿಯಂದು ಮಾಚನಹಳ್ಳಿ ಹಾಗು ಗೋಟ್ಟೆಕೆರೆ ಗ್ರಾಮಸ್ಥರು ಗಂಗಾಧರೇಶ್ವರನ್ನು ಮಹಾನವಮಿ ಮಂಟಪ ದವರೆಗೂ ಮೆರವಣಿಗೆ ಮಾಡಿ ಅಲ್ಲಿ ಕೂರಿಸಿ ಶಾಸ್ತ್ರೋಸ್ತ್ರಗಳ ಮೂಲಕ ಬನ್ನಿ ಮರವನ್ನು ಕತ್ತರಿಸಲಾಯಿತು.

ಅರ್ಚಕರಾದ ಪ್ರಕಾಶ್, ರಾಘವೇಂದ್ರರಾವ್, ನಾಗರಾಜು ಶ್ಯಾನು ಬೋಗರಾದ ಸಿದ್ದಪ್ಪ , ಮಾಚನಹಳ್ಳಿ ನಾಗರಾಜು, ಮುದ್ದಪ್ಪ, ಗೋಟ್ಟಿಕೆರೆ ಹನುಮಂತಾಯಪ್ಪ, ಕುಮಾರ ಇತರರಿದ್ದರು.