ಸುದ್ದಿಮೂಲ ವಾರ್ತೆ
ಬೆಂಗಳೂರು,ಜು.10 : ನಟ ಶಿವರಾಜ್ ಕುಮಾರ್ ಜುಲೈ 12 ರಂದು 61ನೇ ವಸಂತಕ್ಕೆ ಕಾಲಿಡುತ್ತಿದ್ದಾರೆ. ಈ ಬಾರಿ ಅವರ ಹುಟ್ಟುಹಬ್ಬ ವಿಶೇಷವಾಗಿರಲಿದೆ.
ಅಂಚೆ ಇಲಾಖೆ 61ನೇ ವರ್ಷದ ಹುಟ್ಟುಹಬ್ಬದ ಅಂಗವಾಗಿ ಶಿವರಾಜಕುಮಾರ್ ಭಾವಚಿತ್ರವುಳ್ಳ ಮೈ ಸ್ಟಾಂಪ್ ಹೊರತಂದಿದೆ.
ಜುಲೈ 12 ರಂದು ಬೆಳಗ್ಗೆ 12 ಗಂಟೆಗೆ ನಾಗವಾರದ ಅವರ ನಿವಾಸದಲ್ಲಿ ಮೈಸ್ಟಾಂಪ್‌ ಅನ್ನು ಅನಾವರಣ ಮಾಡಲಾಗುತ್ತದೆ.
ಅಂದು ರಂಗ ಚಂದಿರ ತಂಡದ ಕಾರ್ಯದರ್ಶಿ ಜಿಪಿಓ ಚಂದ್ರು, ಡಾ. ಮಾಗಡಿ ಗಿರೀಶ್, ಶ್ರೀಧರ್ ಗೌಡ, ದೊಡ್ಡಯ್ಯ, ಕನಕರಾಜ್, ಆರನ ಕಟ್ಟೆ, ನಾಗೇಶ್, ನಿರ್ಮಾಪಕ ಕೆಪಿ ಶ್ರೀಕಾಂತ್, ಮತ್ತುಅಖಿಲ ಕರ್ನಾಟಕ ಶಿವರಾಜ್ ಕುಮಾರ್ ಸೇನಾ ಸಮಿತಿಯ ಅಧ್ಯಕ್ಷ, ಟಿ . ನಾರಾಯಣ್, ಗಂಡುಗಲಿ ಶಿವರಾಜ್ ಕುಮಾರ್ ಸೇನಾ ಸಮಿತಿಯ ಅಧ್ಯಕ್ಷ ರಾದ ಎಂ. ಮಲ್ಲ ಸೇರಿದಂತೆ ಹಲವರು ಈ ಸಂದರ್ಭದಲ್ಲಿ ನೆನಪಿನ ಕಾಣಿಕೆ ನೀಡಲಿದ್ದಾರೆ.